Lanmour i parey en lakol ki ini bann fanmir ansanm. San lanmour, i pou difisil pour bann manm dan en fanmir reste ini e korpere avek kanmarad. Ki mannyer bann msye, madanm ek paran i kapab demontre lanmour dan fanmir?

En msye ki kontan son madanm pou pran kont bezwen son madanm, son pwennvi ek santiman. (Efe 5:28, 29) I pou donn son fanmir sa ki zot bezwen lo plan materyel e ed zot pour vin pros avek Zeova ki enkli annan en Ladorasyon fanmir regilye. (1Ti 5:8) En madanm ki kontan son msye pou soumet avek son msye e i pou annan “en gran respe” pour li. (Efe 5:22, 33; 1Pyr 3:1-6) Toulede konzwen i bezwen pare pour pardonn kanmarad. (Efe 4:32) Bann paran ki kontan zot zanfan, zot demontre lentere personnel dan sak zanfan e ed zot pour kontan Zeova. (De 6:6, 7; Efe 6:4) Ki difikilte ki zot zanfan pe fer fas avek kot lekol? Ki mannyer zot pe fer fas avek presyon sorti kot lezot zenn? Ler i annan lanmour dan fanmir, tou manm dan sa fanmir pour santi zot an sekirite.

GET SA VIDEO DEMONTRE VRE LANMOUR DAN OU FANMIR. APRE REPONN SA BANN KESTYON SWIVAN:

• Ki mannyer en msye ki kontan son madanm i nouri e pran byen swen avek son madanm?

• Ki mannyer en madanm ki kontan son msye i demontre en gran respe pour son msye?

• Ki mannyer bann paran ki kontan zot zanfan i enkilke Parol Bondye dan zot zanfan?