Disiplin i refer prensipalman avek lenstriksyon ek ledikasyon, me i osi refer avek koreksyon ek pinisyon. Zeova i disiplin nou pour ki nou kapab ador li dan en fason ki i aksepte. (Ro 12:1; Ebr 12:10, 11) Parfwa, i kapab fermal ler nou ganny disiplinen me sa i kapab fer nou vin en dimoun drwat e ed nou ganny benediksyon. (Pr 10:7) Ki bann ki disiplin lezot ek bann ki ganny disiplinen i devret gard antet?

Sa enn ki disiplinen. Bann ansyen, paran e lezot i esey zot mye pour disiplin avek labonte ek lanmour parey Zeova i fer. (Zer 46:28) Menm ler nou pe donn en disiplin ki sever, nou devret fer li akoz nou kontan sa dimoun e sa disiplin i devret apropriye pour sa sityasyon.​—Tit 1:13.

Sa enn ki ganny disiplinen. Dan nenport ki fason nou ganny disiplinen, nou pa devret rezet sa disiplin me nou devret aplik li o pli vit posib. (Pr 3:11, 12) Konman bann imen enparfe, nou tou nou bezwen ganny disiplinen e sa i kapab dan diferan fason. Nou kapab ganny disiplinen par sa ki nou lir dan Labib oubyen sa ki nou tande dan renyon kongregasyon. Oubyen, serten i bezwen ganny disiplinen par en komite disiplin. Si nou aksepte e aplik disiplin, nou pou kapab annan en pli bon lavi e nou pou viv pour touzour.​—Pr 10:17.

GET SA VIDEO “ZEOVA I DISIPLIN SA BANN KI KONTAN.” APRE REPONN SA BANN KESTYON SWIVAN:

• Ki mannyer lavi Canon ti konmanse e ki mannyer son lavi ti sanze?

• Ki mannyer Zeova ti disiplin Canon avek lanmour?

• Ki nou aprann avek son leksperyans?