Ler i ti anons sa bon nouvel, Zezi ti servi bann levennman ki ti’n pase pour ansenny bann dimoun. (Li 13:1-5) Ou osi ou kapab servi bann levennman ki’n pase dan nouvel pour evey lentere bann dimoun lo sa mesaz Rwayonm. Apre ki ou’n koz lo pri lavi ki kontinyen ogmante, en dezas natirel, dezord dan pei, labi drog oubyen bann keksoz parey, demann en kestyon ki pou fer sa dimoun reflesir. Petet ou kapab demann li: “Eski ou krwar ki en zour i pou annan en lafen avek . . . ?” oubyen “Eski ou krwar i annan en solisyon pour . . . ?” Apre, montre sa dimoun en verse Labib ki relye avek sa topik. Si i demontre lentere, montre li en video oubyen ofer li en piblikasyon ki dan Zouti predikasyon. Anmezir nou esey tous leker bann dimoun dan nou teritwar, annou “fer tou keksoz akoz sa bon nouvel.”​—1Ko 9:22, 23.

Ki topik ki enteres bann dimoun dan ou teritwar?