VIV KONMAN EN KRETYEN
Vwar ou prop lekor parey Zeova i vwar ou
“Zeova i pran plezir dan son pep.” (Ps 149:4) Menm si nou enparfe, i vwar nou bann bon kalite ek nou potansyel. Par kont, i annan letan kot nou kapab vwar li difisil pour nou vwar nou bann bon kalite. Nou kapab lalit avek sa santiman ki nou pa vo nanryen akoz lafason ki lezot i tret nou. Oubyen, si nou konsantre lo bann fot ki nou’n fer dan lepase, nou kapab doute si Zeova i vreman kontan nou. Kwa ki kapab ed nou ler nou santi koumsa?
Rapel ki Zeova i vwar plis ki sa ki imen i kapab vwar. (1Sa 16:7) Sa i vedir ki i menm kapab vwar sa ki i annan dan nou leker. Erezman, Labib i ed nou konpran lafason ki Zeova i vwar nou. Nou kapab konpran sa, ler nou lir bann verse Labib ek bann resi ki montre ki kantite Zeova i kontan son bann adorater.
GET SA VIDEO PERSYAD OU LEKER. APRE REPONN SA BANN KESTYON SWIVAN:
-
Ki legzanp sa garson ki pe taye ek son papa i ansenny nou lo lafason ki Zeova i vwar nou?
-
Si en dimoun i fer en pese grav e i fer bann pa neseser pour aranz son relasyon avek Zeova, ki mannyer i kapab konvenk son leker devan Zeova?—1Zan 3:19, 20
-
Ki byenfe sa frer ti gannyen ler i ti lir e medit lo sa bann resi lo David ek Zeosafat?
