AKOZ I ENPORTAN: Temwannyaz par telefonn i en fason enportan pour “rann temwannyaz afon lo sa bon nouvel.” (Akt 20:24) * I ed nou koz avek en dimoun ler i pa posib pour nou vizit li an personn.

KI MANNYER POUR FER LI:

• Prepare. Swazir en topik ki enteres sa dimoun. Apre ekri sa ki ou anvi dir. Ou osi kapab prepar en pti mesaz ki eksplike akoz ou pe telefonnen pour kit lo answering machine an ka sa dimoun pa reponn. I byen si ou pe asize e met sa ki ou’n ekrir pour dir lo en latab ansanm avek lezot keksoz ki ou pou bezwen parey ou lekipman eletronik ki ouver lo JW Library^® oubyen jw.org^®

• Rilaks. Koz dan en fason natirel. Fer en sourir ek bann zes konmsi sa dimoun pe vwar ou. Evite fer bann poz ki pa neseser. I byen pour travay avek lezot. Si sa met lakour i demann en kestyon, repet sa kestyon for pour ou konpanyon kapab ed ou trouv larepons

• Demann en kestyon ki ou’n prepare pour ou kapab fer retourn vizit. Si en dimoun i demontre lentere, ou kapab kit en kestyon ki ou pou reponn la prosenn fwa ou telefonn li. Ou kapab osi ofer pour imel li en piblikasyon, swa anmenn kot li oubyen poste sa piblikasyon. Ou osi kapab ofer pour tèks ouswa imel li enn nou bann video oubyen nou bann lartik. Ler i apropriye, koz avek sa dimoun lo nou Online Bible Study Lessons oubyen en lot keksoz lo nou sit Enternet