Ki bann kalite ki ou rode dan en zanmi? I tre probab ki ou apresye bann kalite parey fidelite, labonte ek zenerozite. Zeova i annan tou sa bann kalite. (Eg 34:6; Akt 14:17) I ekoute ler ou priye. I ed ou nenport ler ki ou dan bezwen. (Ps 18:19, 35) I pardonn ou bann fot. (1Zan 1:9) Zeova i vreman en bon zanmi!

Ki mannyer ou kapab montre ki ou zanmi Zeova? Aprann konn li par lir son Parol. Met ou konfyans dan li. (Ps 62:8; 142:2) Montre ki ou apresye bann keksoz ki enportan pour Zeova parey son Garson, son Rwayonm ek bann promes ki i pou akonpli dan lavenir. Koz avek lezot lo Zeova. (De 32:3) Si ou devlop en bon lanmitye avek Zeova, i pou vin ou zanmi pour touzour.​—Ps 73:25, 26, 28.

GET SA VIDEO YOUTHS​—“TASTE AND SEE THAT JEHOVAH IS GOOD.” APRE REPONN SA BANN KESTYON SWIVAN:

• Ki mannyer ou kapab prepar ou pour dedye ou lavi avek Zeova e batize?

• Ki mannyer lezot dan kongregasyon i kapab ed ou pour servi Zeova?

• Ki mannyer predikasyon i kapab ranforsi ou lanmitye avek Zeova?

• Ki bann diferan servis ki ou kapab fer?

• Ki ou pli kontan avek Zeova?