AKOZ I ENPORTAN: Pour ganny laprouvasyon Zeova, bann etidyan Labib i bezwen dedye zot lavi avek li e batize. (1Pyr 3:21) Bann ki viv annakor avek zot dedikasyon pou ganny proteksyon spirityel. (Ps 91:1, 2) En dimoun i dedye son lavi avek Zeova, me pa avek en imen, en travay oubyen en lorganizasyon. Alor, bann etidyan i bezwen devlop lanmour ek lapresyasyon pour Bondye.—Ro 14:7, 8.

KI MANNYER POUR FER LI:

• Pandan letid, diskit lo ki sa lenformasyon i montre lo Zeova. Fer resorti lenportans pour lir Labib toulezour e pour priy Zeova “toultan.”—1Te 5:17; Zak 4:8

• Ankouraz ou etidyan pour annan bann lobzektif spirityel, tel parey dedye son lavi e batize. Antretan ed li pour atenn bann pti lobzektif, parey fer komanter dan renyon oubyen donn temwannyaz avek vwazen ek koleg travay. Pa oubliye ki Zeova pa fors personn pour servi li. Dedikasyon i en desizyon personnel.—De 30:19, 20

• Ankouraz ou etidyan pour fer bann sanzman neseser pour li kapab fer plezir Zeova e kalifye pour batenm. (Pr 27:11) Lefet ki serten bann tre ek labitid in byen anrasinen dan nou, en etidyan Labib pou bezwen kontinyen ganny led pour li kapab retir sa vye personnalite e pour devret sa enn nouvo. (Efe 4:22-24) Ankouraz li pour lir sa seri lartik, “Labib i sanz lavi” dan Latour Veyer

• Rakont li lazwa ki ou’n gannyen dan servis Zeova.—Iza 48:17, 18