Konmansman Septanm, i pou annan en nouvo legzanp en prezantasyon dan nou Kaye renyon Nou minister ek lavi Kretyen. Tit sa legzanp en prezantasyon i “Ansenny laverite.” Nou lobzektif i pour fer resorti en laverite ki dan Labib par servi en kestyon ek en verse.

Si nou remarke ki sa dimoun i montre lentere, nou kapab fer laranzman pour fer en retourn vizit, par kit en piblikasyon oubyen montre li en video ki lo jw.org. Nou devret fer sa retourn vizit pli vit posib pour kontiny sa konversasyon. Sa bann nouvo prezantasyon ek prezantasyon bann zelev pou baze lo bann rezimen bann sapit dan sa liv Ki Labib i vreman dir? Dan sa liv, nou kapab osi vwar lezot kestyon ek verse ki pou ed nou fer bann retourn vizit oubyen kondwir en letid par servi zis Labib.

I annan zis en semen ki anmenn ver lavi. (Mt 7:13, 14) Vi ki nou koz avek bann dimoun ki annan diferan larelizyon ek kiltir, nou devret servi bann laverite ki dan Labib ki pou enteres zot. (1Ti 2:4) Anmezir nou abitye avek bann topik Labib e amelyor nou abilite pour “anons byen mesaz laverite,” nou pou annan plis lazwa e reisi ansenny laverite avek lezot.—2Ti 2:15.