AKOZ I ENPORTAN: Sak piblikasyon ki form parti bann zouti ki ed nou ansenny laverite i refer avek nou sit Enternet jw.org. Anfet, rezon prensipal ki nou servi kart kontak ek sa trak Kote nou kapab trouv larepons bann kestyon enportan dan lavi? se pour ankouraz dimoun pour al lo nou sit Enternet. Ou kapab plas en piblikasyon ki form parti bann zouti predikasyon, an servan jw.org pour imel en kopi elektronik oubyen pour partaz en link. Sa i kapab vreman itil ler ou pe pres avek en dimoun ki koz en lot langaz. An plis, dimoun i kapab demann nou bann kestyon ki larepons pa ganny trouve dan bann piblikasyon ki form parti nou bann zouti predikasyon. Si nou servi nou sit Enternet, nou kapab vin pli efikas dan predikasyon.

KI MANNYER POUR FER LI:

• Servi sa opsyon “BIBLE TEACHINGS.” Meton ou pe pres avek en paran ki ti a kontan plis lenformasyon lo konman pour elve zanfan. Al lo nou sit Enternet an Angle e klik lo BIBLE TEACHINGS > MARRIAGE & FAMILY.

• Servi sa opsyon “PIBLIKASYON.” Meton ou pe fer temwannyaz enformel kot lekol e ou ti a kontan donn en manrmay dan ou laklas sa brosir Larepons 10 kestyon ki bann zenn i demande. Al lo PIBLIKASYON > LIV.

• Servi sa opsyon “ABOUT US.” Meton ou pe pres avek en koleg travay ki ti a kontan lir en ptigin lo nou bann krwayans. Al lo nou sit Enternet an Angle e klik lo ABOUT US > FREQUENTLY ASKED QUESTIONS.

GET SA VIDEO NAVIGATING JW.ORG E APRE MAZIN LO KOTE OU TI POU ALE LO NOU SIT ENTERNET POUR ED:

• en dimoun ki pa krwar dan Bondye

• en dimoun ki pe soufer akoz en maler

• en frer oubyen ser ki inaktif

• en retourn vizit ki ti a kontan konnen ki mannyer nou travay i ganny finanse

• en dimoun ki sorti dan en lot pei ki ti a kontan asiste en renyon dan son pei