Tou serviter Zeova i kapab fer bann bon aksyon ki Zeova pa pou zanmen oubliye. Parey en paran ki kontan son zanfan e pa pou zanmen oubliy bann bon keksoz ki in fer, Zeova pa pou zanmen oubliy nou bann bon travay ek lanmour ki nou’n demontre pour son non. (Mt 6:20; Ebr 6:10) Byensir, nou tou nou annan diferan abilite ek diferan sirkonstans. Me si nou fer nou mye dan nou servis pour Zeova, nou pou dan lazwa. (Ga 6:4; Kol 3:23) Diran bann lannen ki’n pase, plizyer milye frer ek ser in servi dan Betel. Eski ou kapab servi dan Betel? Si non, eski ou kapab ankouraz en dimoun pour fer li oubyen ed en Betelit pour kontinyen servi dan Betel?

GET SA VIDEO MAKING YOURSELF AVAILABLE FOR BETHEL SERVICE E APRE REPONN SA BANN KESTYON SWIVAN:

• Kwa ki devret pous ou pour servi dan Betel?

• Ki serten in dir konsernan bann benediksyon ki zot gannyen ler zot servi dan Betel?

• Ki bann kalifikasyon pour antre Betel?

• Ki mannyer ou kapab fer en laplikasyon pour antre Betel?