Zezi ti kapab fer temwannyaz enformel avek en madanm akoz i ti konmans en konversasyon avek li. Ki mannyer nou kapab amelyor nou abilite pour konmans en konversasyon avek en dimoun ki nou pa konnen?

• Reste amikal e koz avek dimoun. Menm si Zezi ti fatige, i ti konmans en konversasyon avek sa madanm par demann li en pe delo pour bwar. Alor, ou kapab dir bonzour, apre koz lo ki mannyer letan i ete oubyen bann keksoz ki pe arive dan nouvel. Rapel ki ou lobzektif i zis pour konmans en konversasyon, alor koz lo en keksoz ki kapab enteres sa dimoun. Si i pa reponn, ou ankor kapab koz avek en lot dimoun. Demann Zeova pour donn ou kouraz.​—Ne 2:4; Akt 4:29.

• Reste alert e sezi tou loportinite pour koz lo sa bon nouvel. Pa degaze pour konmans pres avek li me les sa konversasyon deroul dan en fason natirel. Si ou fors sa dimoun pour koze, i kapab vin enkonfortab e aret koze. Pa dezapwente si sa konversasyon i arete avan ki ou reisi donn en temwannyaz. Si ou ezite pour konmans koz lo sa bon nouvel, esey zis konmans en konversasyon normal avek en dimoun. [Zwe e diskit lo sa premye video.]

• Esey rod en loportinite pour rann en temwannyaz par dir en keksoz konsernan ou krwayans e sa i kapab fer sa dimoun demann ou kestyon. Zezi ti dir bann keksoz enteresan e sa ti fer sa madanm demann kestyon. Ler i ti konmans koz lo sa bon nouvel, i ti pe zis reponn kestyon sa madanm. [Zwe e diskit lo sa dezyenm video e apre zwe e diskit lo sa trwazyenm video.]