Zeova i konsider bann ve maryaz vreman serye. I ti dir ki en msye ek en madanm i devret atase avek kanmarad. (Mt 19:5, 6) Parmi pep Bondye, i annan bokou koup ki ere dan zot maryaz. Par kont, napa en maryaz ki parfe. I pou toultan annan problenm. Nou pa devret annan menm fason panse avek sa lemonn, ki separasyon ek divors i solisyon pour problenm ki en koup i rankontre dan son maryaz. Ki mannyer bann koup Kretyen i kapab protez zot maryaz?

Annou vwar senk pwen enportan.

1. Protez ou leker par rezet bann keksoz parey flirting ek bann divertisman imoral ki kapab kas ou maryaz.​—Mt 5:28; 2Pyr 2:14.

2. Ranforsi ou lanmitye avek Bondye e ogmant ou dezir pour fer li plezir dan ou maryaz.​—Ps 97:10.

3. Kontinyen devlop sa nouvo personnalite e fer bann pti keksoz pour fer lavi ou konzwen en pe pli fasil.​—Kol 3:8-10, 12-14.

4. Annan respe ek bon kominikasyon.​—Kol 4:6.

5. Ranpli ou devwar avek lanmour ek lafeksyon.​—1Ko 7:3, 4; 10:24.

Ler bann Kretyen i onor maryaz, zot pe onor Zeova, sa enn ki loter maryaz.

GET SA VIDEO WE MUST “RUN WITH ENDURANCE”​—OBEY THE RULES OF THE CONTEST. APRE REPONN SA BANN KESTYON SWIVAN:

• Menm si en maryaz in byen konmanse, ki difikilte sa koup i kapab fer fas avek?

• Ki mannyer bann prensip Labib i kapab ed bann ki santi ki napa lanmour dan zot maryaz?

• Ki lalwa Zeova in donnen pour maryaz?

• Ki sa de konzwen i bezwen fer pour zot maryaz reisi?