Samyel ti reste fidel avek Zeova tou dilon son lavi. Konman en garson, i ti refize vin koronpi parey Ofni ek Fineas, sa de garson Eli. (1Sa 2:22-26) Zeova ti avek Samyel anmezir ki Samyel ti pe grandi. (1Sa 3:19) Menm ler i ti aze, i ti kontinyen servi Zeova fidelman malgre son bann garson pa ti servi Zeova.​—1Sa 8:1-5.

Ki nou kapab aprann avek legzanp Samyel? Si ou en zenn, annan konfyans ki Zeova i konpran difikilte ki ou fer fas avek e lafason ki ou santi. I kapab ed ou pour annan kouraz. (Iza 41:10, 13) Si ou en paran ki ou zanfan pa pe servi Zeova, ou kapab ganny rekonforte ler ou mazinen ki Samyel pa ti kapab fors son bann garson pour reste fidel avek bann standar Zeova. Samyel ti kit tou keksoz dan lanmen Zeova, i ti reste fidel e i ti fer plezir Zeova, son Papa ki dan lesyel. Petet ou bon legzanp pour ed ou zanfan retourn kot Zeova.

GET SA VIDEO APRANN AVEK ZOT​—SAMYEL. APRE REPONN SA BANN KESTYON SWIVAN:

• Konman en garson, ki mannyer Samyel ti demontre kouraz?

• Ki mannyer Danny ti demontre kouraz?

• Menm ler i ti aze, ki mannyer Samyel ti en bon legzanp?

• Ki mannyer paran Danny ti en bon legzanp?