AKOZ I ENPORTAN: Letid personnel dan Parol Bondye i ed nou “konpran konpletman larzer, longer, oter ek profonder laverite.” (Efe 3:18) I ed nou pour reste san defo dan en move lemonn e pour “tyonbo for parol lavi.” (Fil 2:15, 16) Letid personnel i permet nou swazir en topik ki pour ed nou endividyelman. Ki mannyer nou kapab pli byen servi letan ki nou pase dan lektir ek letid Labib?

KI MANNYER POUR FER LI:

• Souliny bann verse e fer bann not dan ou Labib, ki swa lo papye oubyen dan form elektronik

• Demann sa bann kestyon anmezir ou lir Parol Bondye: ‘Lekel? Kwa? Kan? Kote? Akoz? Ki mannyer?’

• Rod bann lenformasyon egzakt. Servi bann zouti resers, fer resers par topik oubyen verse Labib

• Medit lo sa ki ou lir e vwar ki mannyer sa lenformasyon i aplikab pour ou

• Aplik sa ki ou aprann dan ou lavi toulezour.​—Li 6:47, 48

GET SA VIDEO KONTINYEN “TYONBO FOR” PAROL BONDYE PAR FER EN BON LETID PERSONNEL APRE REPONN SA BANN KESTYON SWIVAN:

• Ki mannyer serten i dekri letid personnel?

• Akoz nou devret priye avan nou fer letid personnel?

• Kwa ki kapab ed nou konpran pli byen bann verse Labib?

• Ki remark nou kapab met dan nou Labib?

• Akoz meditasyon i sitan enportan ler nou etidye Parol Bondye?

• Ki nou devret fer avek sa ki nou aprann?