Konpran santiman lezot i vedir konpran zot fason panse, santiman, sa ki enportan pour zot ek zot bann bezwen. En dimoun i kapab rekonnet si nou konpran son santiman ler i vwar ki nou vreman anvi ed li. Ler nou konpran santiman lezot dan predikasyon, nou imit lanmour ek lentere ki Zeova i annan pour zot e sa i atir zot ver li.​—Fil 2:4.

Konpran santiman lezot i pa zis en metod ki nou servi pour ansennyen. I enplik lafason nou koze, ekoute, bann zes ki nou fer, lekspresyon lo nou figir e osi nou latitid. Nou montre ki nou konpran santiman en dimoun ler nou demontre en lentere senser anver li. Nou pran kont sa ki enteres li, son krwayans ek son sirkontans. Nou donn li lenformasyon ek lasistans ki pou ed li me nou pa fors li pour fer sanzman. Ler dimoun i aksepte nou led, nou ganny plis lazwa dan sa travay predikasyon.

GET SA VIDEO TROUV LAZWA DAN SA TRAVAY POUR FER DISIP. AMELYOR OU ABILITE​—KONPRAN ZOT SANTIMAN. APRE REPONN SA BANN KESTYON SWIVAN:

• Ki mannyer Neeta ti montre ki i konpran santiman lezot ler Jasmine ti ariv tar?

• Ki mannyer Neeta ti montre ki i konpran santiman lezot ler Jasmine pa ti fer letid akoz i ti anba en kantite presyon?

• Ki mannyer Neeta ti montre ki i konpran santiman lezot ler Jasmine ti dir ki i pa sa kalite dimoun ki konn organiz keksoz?