Bann frer i travay dir pour prepar legzanp en prezantasyon e bokou proklanmater in vwar ki sa bann legzanp prezantasyon i efikas dan zot teritwar. Vi ki sirkonstans partou dan lemonn i diferan, bann proklanmater i kapab servi en diferan lapros oubyen en diferan topik ki pou enteres dimoun dan zot teritwar. Byensir, nou tou nou bezwen swiv bann lenstriksyon ler i annan en kanpanny spesyal. Nou lobzektif i pour akonpli komannman Zezi pour anons sa bon nouvel Rwayonm.​—Mt 24:14.

Bann proklanmater ki annan en partisipasyon i devret diskit sa topik dan legzanp en prezantasyon ki dan Kaye renyon. Par kont, si napa okenn lenstriksyon ki’n ganny donnen, zot lib pour servi en diferan kestyon, verse Labib, kestyon pour prosenn fwa oubyen en lot senn ki pou efikas dan zot teritwar. Sa i ranplas sa lenstriksyon ki lo paz 8 dan kaye renyon Zen 2020.