Zeova i anvi ki bann fanmir i zwaye. (Ps 127:3-5; Ek 9:9; 11:9) Par kont, nou kapab perdi nou lazwa akoz bann stres dan sa lemonn ek bann fot ki nou manm fanmir i fer. Ki sak manm fanmir i kapab fer pour ede annan lazwa dan fanmir?

En msye i onor son madanm. (1Pyr 3:7) I bezwen en dimoun rezonnab ki pa ekspekte tro bokou avek son madanm e i montre ki i apresye sa ki i fer pour li ek son fanmir. I pas letan avek li. (Kol 3:15) I fer son madanm konnen ki i kontan li e i felisit li.​—Pr 31:28, 31.

En madanm i rod fason pour siport son msye. (Pr 31:12) I soumet avek son msye e korpere avek li. (Kol 3:18) I koz byen avek li e i dir bann bon keksoz lo li.​—Pr 31:26.

Bann paran i pas letan avek zot zanfan. (De 6:6, 7) Zot fer zot zanfan konnen ki zot paran i kontan zot. (Mt 3:17) Ler zot disiplin zot zanfan, zot fer li avek lanmour e montre ki zot annan disernman.​—Efe 6:4.

Zanfan i onor e obei zot paran. (Pr 23:22) Zot les zot paran konnen ki zot pe panse e sa ki zot pe santi. Zot aksepte ler zot ganny disiplinen e zot demontre respe anver zot paran.​—Pr 19:20.

GET SA VIDEO ED OU FANMIR POUR ANNAN LAZWA. APRE REPONN SA KESTYON SWIVAN:

Ki sak dimoun ti fer pour ki i annan lazwa dan fanmir?