Bann lobzektif spirityel i enkli okenn keksoz ki nou travay dir pour akonpli, pour nou kapab fer plis dan servis Zeova e fer li kontan. Sa bann lobzektif i ed nou vin bann Kretyen matir e i vo lapenn sakrifye nou letan ek lenerzi pour atenn sa bann lobzektif. (1Ti 4:15) Akoz nou devret tanzantan revwar nou bann lobzektif? Parski sirkonstans i sanze. I kapab ki sa lobzektif ki nou ti mete dan lepase in sanze oubyen nou’n fini atenn sa lobzektif e nou anvi met en lot.

Sa pli bon letan pour revwar nou bann lobzektif i avan nou konmans en nouvo lannen servis. Dan ou ladorasyon fanmir, eski ou kapab diskit lo sa size e met serten lobzektif personnel ek serten lobzektif pour ou fanmir?

Ki bann lobzektif spesifik ou’n mete dan sa bann domenn e ki ou pe fer pour atenn sa bann lobzektif?