VIV KONMAN EN KRETYEN
“Defann e etabli nou drwa legal pour anons sa bon nouvel”
Ler bann ki ti opoz bann Izraelit pour anpes zot rekonstri lakaz Bondye, bann ki ti travay lo sa batiman ti fer tou sa ki neseser pour ganny drwa legal pour kontiny sa travay. (Ezra 5:11-16) Pareyman, bann Kretyen i fer tou sa ki zot kapab pour defann e etabli zot drwa legal pour anons sa bon nouvel. (Fil 1:7) Pour arive fer sa, an 1936, biro prensipal Temwen Zeova ti met an plas en Departman Legal. Ozordi, Departman Legal kot biro prensipal Temwen Zeova i protez e defann lentere Rwayonm partou dan lemonn. Ki mannyer sa departman i promot lentere Rwayonm e ki mannyer pep Bondye i benefisye avek sa?
GET SA VIDEO EN VIZIT DAN DEPARTMAN LEGAL KOT BIRO PRENSIPAL TEMWEN ZEOVA. APRE REPONN SA BANN KESTYON:
-
Ki difikilte legal bann Temwen Zeova in eksperyanse?
-
Ki bann ka ki nou’n gannyen ankour? Donn en legzanp
-
Ki sakenn ant nou i kapab fer pour “defann e etabli nou drwa legal pour anons sa bon nouvel”?
-
Kote lo nou sit Enternet ki nou kapab vwar bann legal developments ki pe afekte pep Bondye ek en lalis Temwen Zeova ki dan prizon akoz zot lafwa?
