Dezyenm liv Kronik 27:1-9
-
Zotam lerwa Zida (1-9)
27 Zotam ti annan 25 an ler i ti vin lerwa e i ti dirize pour 16 an ler i ti Zerizalenm. Son manman ti apel Zerousa fiy Zadok.
2 I ti kontinyen fer sa ki byen dan lizye Zeova zis parey son papa Ouzya ti’n fer, me i pa ti antre dan landrwa kot i ti napa drwa antre dan tanp Zeova. Me bann dimoun ti pe kontinyen fer sa ki mal.
3 I ti konstri Baro Anler kot lakaz Zeova e i ti fer en kantite konstriksyon lo miray Ofel.
4 I ti osi konstri bann lavil dan bann montanny Zida e i ti konstri bann landrwa ki ganny proteze avek bann gro miray ek bann latour dan bann landrwa kot i ti annan en kantite pye dibwa.
5 I ti lager avek lerwa bann Amonnit e i ti ganny laviktwar lo zot. Alor sa lannen bann Amonnit ti donn li 100 talan* larzan, 10,000 kor* dible ek 10,000 kor lorz.* Bann Amonnit ti osi donn li menm keksoz dan dezyenm ek trwazyenm lannen.
6 Alor Zotam ti vin deplizanpli for parski i ti’n determinen pour fer sa ki Zeova son Bondye ti demann li.*
7 Larestan listwar Zotam, tou son bann lager ek son fason fer in ganny ekrir dan Liv bann Lerwa Izrael ek Zida.
8 I ti annan 25 an ler i ti vin lerwa e i ti dirize pour 16 an ler i ti Zerizalenm.
9 Apre, Zotam ti mor* e zot ti anter li dan Lavil David. Son garson Aaz ti vin lerwa dan son plas.
Bann not
^ En talan ti pez 34.2 kilo. Vwar Lezot lenformasyon B14.
^ En kor ti 220 lit. Vwar Lezot lenformasyon B14.
^ Lorz i en plant parey dible ki ganny servi pour fer lafarin.
^ Oubyen “i ti’n prepar son semen devan Zeova son Bondye.”
^ Literalman, “repoze avek son bann zanset.”
