Abakouk 1:1-17
1 En mesaz ki profet Abakouk* ti gannyen dan en vizyon:
2 O Zeova, ziska kan mon pou bezwen kriy osekour, me ou pa tann mwan?
Ziska kan mon pou demann ou led, me ou pa fer nanryen* kont vyolans?
3 Akoz ou fer mwan vwar sa ki mal?
Akoz ou toler dimoun ki abiz lezot?
Akoz destriksyon ek vyolans i otour mwan?
Akoz dispit ek konfli i partou kote?
4 Personn pa obei lalwaE zanmen i annan lazistis.
Parski bann move dimoun i antour bann dimoun drwat,Sanmenm sa napa lazistis.
5 “Get sa ki pe pase parmi bann nasyon, get byen!
Zot pou sirprann e vreman etonnen.
Parski en keksoz pou arive ler zot ankor vivanKi zot pa pou krwar menm si en dimoun i rakont zot.
6 Parski mon pou fer bann Kaldeen vini,En nasyon ki sovaz e ki napa pitye.
Zot anvai bann gran landrwa lo laterE sezi bann lakaz ki pa pour zot.
7 Zot efreyan e zot fer dimoun per.
Zot etabli zot prop lazistis ek lotorite.*
8 Zot seval i pli vit ki leoparE zot pli feros ki bann lelou aswar.
Zot seval lager i tay drwat devan,Zot seval i sorti byen lwen.
Zot desann vit parey en leg ki pe al atrap en keksoz pour manze.
9 Zot tou zot pare pour lager.
Zot avans devan parey en tanpet divan ki sorti dan les,E zot anmas bann prizonnyen parey disab.
10 Zot monk bann lerwaE zot riy bann o zofisye.
Zot riy tou bann lavil ki ganny proteze par bann gro miray.
Zot konble pour fer semen e atak sa lavil.
11 Apre, zot pase parey divan e travers sa pei,Me zot pou koupabParski pour zot, zot lafors i sorti kot zot bondye.”*
12 O Zeova, pa ou’n toultan egziste?
O mon Bondye Sen, ou pa mor.*
O Zeova, ou ki’n apwent zot pour anmenn ou zizman.
Mon Ros, ou ki’n swazir zot pour pini* nou.
13 Ou lizye i tro pir pour ou get lemalE ou pa kapab toler sa ki move.
Alor, akoz ou toler bann tretE ou kontinyen reste trankil ler en move dimoun i detri enn ki pli drwat ki li?
14 Akoz ou les bann imen ganny trete parey pwason dan lanmer,Parey bann zannimo dan lanmer ki napa en sef?
15 Tousala zot* fer monte avek en lanmson.
Zot atrap zot dan zot lasenn,E zot anmas zot dan zot lasenn pwason.
Sanmenm sa zot vreman dan lazwa.
16 Sanmenm sa zot ofer sakrifis pour zot lasennE zot fer sakrifis* pour zot lasenn pwason.
Parski gras a zot lasenn, zot annan en bon porsyon*E zot ganny en bon kalite manze.
17 Eski zot pou kontinyen ranpli e vid zot lasenn?*
Eski zot pou kontinyen touy bann nasyon san pitye?
Bann not
^ Posibleman, sa non i vedir “May for.”
^ Oubyen “sov nou.”
^ Oubyen “dinyite.”
^ Oubyen posibleman, “zot lafors i zot bondye.”
^ Oubyen posibleman, “nou pa pou mor.”
^ Oubyen “koriz.”
^ Setadir, bann Kaldeen ki ti lennmi pep Bondye.
^ Oubyen “bril lansan.”
^ Literalman, “an lwil.”
^ Oubyen posibleman, “kontinyen tir zot lepe.”
