Amos 5:1-27
5 “Pep Izrael, ekout sa kantik dey ki mon pe sante konsernan zot:
2 ‘Izrael sa vyerz in tonbe.
I pa kapab lev ankor.
Tou dimoun in abandonn li dan son prop pei.
Napa personn pour lev li.’
3 “Parski la sa ki Souvren Senyer Zeova i dir:
‘Lavil ki al lager avek mil solda, zis san solda ki pou resteE lavil ki al lager avek san solda, zis dis ki pou reste. Se sa ki pou arive avek pep Izrael.’
4 “Parski la sa ki Zeova i dir pep Izrael:
‘Retourn kot mwan e zot pou kontinyen viv.
5 Pa bezwen al Betel,Pa bezwen al Gilgal oubyen pas Beer-Seba.
Parski Gilgal pou sirman al an egzilE Betel pou konpletman ganny detrir.*
6 Retourn kot Zeova e zot pou kontinyen viv,Koumsa i pa pou detri desandans Zozef parey dife i detri keksozE bril Betel kot personn pa pou tenny sa dife.
7 Zot in fer lazistis vin en keksoz anmer*E zot in zet ladrwatir ater.
8 Sa Enn ki’n fer bann group zetwal Kima* ek Kesil,*Sa Enn ki fer lannwit vin lizour dan bomaten,Sa Enn ki fer lizour vin fernwanr parey lannwit,Sa Enn ki anmas delo lanmerE vid li lo later.
Son non i Zeova.
9 I pou fer sa enn ki for ganny detrirE i pou detri bann lavil.*
10 Zot ay bann ki donn konsey kot baro lavil,E zot deteste bann ki koz laverite.
11 Vi ki zot eksplwat* dimoun pov ki kiltiv laterE zot pran son dible konman taks,Zot pa pou kontinyen reste dan lakaz ros ki zot in konstri,Ni bwar diven zot bann zoli plantasyon rezen ki zot in plante.
12 Parski mon konnen ki kantite krim* zot in ferE ki kantite zot pese i grav.
Zot persekit dimoun drwat,Zot aksepte gousE zot anpes bann pov ganny lazistis kot baro lavil.
13 Pour sa rezon, bann ki annan bon zizman pou reste trankil sa letan,Parski i pou en letan maler.
14 Fer sa ki byen e pa sa ki malPour ki zot kontinyen viv.
Alor, Zeova Bondye bann larme pou avek zot,Zis parey zot dir.
15 Ay sa ki mal e kontan sa ki byen,Ki bann ziz i demontre lazistis kot baro lavil.
Petet Zeova Bondye bann larmePou pran pitye pour larestan desandans Zozef.’
16 “Alor, la sa ki Zeova Bondye bann larme in dir. Zeova i dir:
‘Dan tou bann landrwa piblik, i pou annan leokri,Dan tou bann semen, zot pou dir, “Maler, maler!”
Zot pou kriy bann fermye pour vin plereE bann dimoun ki ganny peye pour fer leokri.’
17 ‘Dan tou plantasyon rezen, i pou annan leokri.
Parski mon pou pas dan pei pour pini zot.’ La sa ki Zeova i dir.
18 ‘Maler pour bann ki anvi zour Zeova i arive!
Alor, ki mannyer zour Zeova pou ete pour zot?
I pou en zour fernwanr kot napa lalimyer.
19 I pou parey en zonm ki pe sov en lyon e i bat avek en lours,Ler i antre dan son lakaz e apiy son lanmen avek miray, en serpan i mord li.
20 Pa zour Zeova pou en zour fernwanr kot pou napa lalimyer?
Pa i pou en zour sonm kot napa laklerte?
21 Mon ay e mon deteste zot bann lafet,Loder sakrifis ki zot fer dan zot bann lasanble pa fer mwan plezir.
22 Mon pa pou pran okenn plezirDan zot bann lofrann brile ek lofrann ki zot ofer.
Mon pa pou aksepte bann zannimo angrese ki zot ofer konman sakrifis lape.
23 Pa fatig mwan avek zot bann sansonEk lanmizik zot bann larp.*
24 Ki lazistis i koule parey deloE ladrwatir parey en larivyer ki pa zanmen sek.
25 Pep Izrael, eski zot ti ofer mwan sakrifis ek lofrannPandan sa 40 an ki zot ti dan dezer?
26 Alor zot pou bezwen anmenn an egzil zot lerwa Sakout ek Kevann,*Zot bann zidol sa bondye zetwal ki zot in fer.
27 Mon pou anvoy zot an egzil pli lwen ki Damas.’ La sa ki sa Enn ki apel Zeova, Bondye bann larme i dir.”
Bann not
^ Oubyen posibleman, “pou vin en keksoz mazik.”
^ Oubyen “vin labsent.” Labsent i en kalite plant ki anmer e anpwazonnen.
^ Posibleman, bann zetwal ki apel Pleiades dan sa group zetwal Taurus.
^ Posibleman, sa group zetwal ki apel Orion.
^ Oubyen “lavil ki ganny proteze par bann miray.”
^ Oubyen “fer pey taks. ”
^ Oubyen “revolt.”
^ Oubyen “lenstriman lakord.”
^ Sa de bondye i kapab pe refer avek plannet Saturn ki ti ganny adore konman en bondye.
