Amos 6:1-14
6 “Maler pour bann dimoun ki byen alez* Siyon,Pour bann ki santi zot an sekirite lo montanny Samari,Pour bann gran dimoun dan sa nasyon pli enportan,Pour bann dimoun ki nasyon Izrael i depan lo zot!
2 Al Kalne e gete.
Apre al Gran AmatE desann Gat dan pei bann Filisten.
Eski sa bann landrwa i pli meyer ki zot bann rwayonm*Oubyen eski zot pei i pli gran ki sa ki pour zot?
3 Eski zot pe esey oubliy sa zour malerE fer vyolans dominen* dan pei?
4 Zot alonze lo bann lili an ivwar* e tal zot lo bann sofa.
Zot manz bann mal mouton dan troupo ek bann pti bef* angrese.
5 Zot konpoz bann sanson ler zot tann larp* pe zweE parey David, zot envant zot lenstriman lanmizik.
6 Zot bwar diven dan bann bolE zot pas bann pli bon delwil lo zot.
Me zot pa pran kont* destriksyon bann desandans Zozef.
7 Alor zot pou parmi sa bann premye ki pou al an egzilE bann ki tal zot lo sofa pour aret fer bann parti san kontrol.
8 Zeova Bondye bann larme i dir, ‘Souvren Senyer Zeova in fer serman par li menm,“Mon deteste lorgey Zakob,Mon ay son bann gran latour,Mon pou livre sa lavil e tou sa ki ladan dan lanmen son bann lennmi.
9 “‘“Si i reste dis dimoun dan en lakaz, zot osi zot pou mor.
10 Enn zot fanmir* pou vin tir zot e bril zot lekor enn par enn. I pou tir zot lezo dan lakaz e apre i pou dir sa enn ki dan bann lasanm pli dan fon, ‘Eski i annan ankor dimoun avek zot?’ e sa enn ki dan lasanm pou dir, ‘Napa personn!’ Alor i pou dir, ‘Reste trankil! Parski la pa ler pour mansyonn non Zeova.’”
11 Parski se Zeova ki pe donn lord,I pou detri sa gran lakaz e fer li vin en ta debri.
I pou detri sa pti lakaz e fer li vin en ta debri.
12 Eski bann seval i kapab tay lo rosOubyen eski dimoun pou servi bef pour labour later lo ros?
Parski zot in fer lazistis vin en plant anpwazonnenE fri ladrwatir in vin en keksoz anmer.*
13 Zot dan lazwa akoz bann keksoz ki pa vo nanryenE zot dir, “Pa i gras a nou prop lafors ki nou’n vin pwisan?”*
14 Zeova Bondye bann larme i dir, ‘Alor, pep Izrael, mon pou fer en nasyon vin kont zotE sa nasyon pou fer zot soufer depi Lebo-Amat* ziska Larivyer* Araba.’”
Bann not
^ Oubyen “ki annan konfyans dan zot prop lekor.”
^ Aparaman, sa pe refer avek bann rwayonm Zida ek Izrael.
^ Oubyen “rennyen.” Literalman, “sez.”
^ Vwar Leksplikasyon bann mo.
^ Oubyen “zenn toro.”
^ Oubyen “lenstriman lakord.”
^ Literalman, “pa ti tonm malad akoz.”
^ Literalman, “Frer son papa.”
^ Oubyen “vin labsent.” Labsent i en kalite plant ki anmer e anpwazonnen.
^ Literalman, “ki nou’n pran bann korn pour nou menm.” Vwar Leksplikasyon bann mo (korn).
^ Oubyen “larantre Amat.”
^ Oubyen “Wadi.” Vwar Leksplikasyon bann mo.
