Ester 10:1-3
-
Mordekay i ganny onore (1-3)
10 Lerwa Asweris ti fer bann dimoun dan pei e lo bann zil travay dir konman lesklav.
2 Tou sa ki i ti arive fer avek son pouvwar e osi bann detay lo ki mannyer lerwa ti onor Mordekay, in ganny ekrir dan liv listwar bann lerwa Medi ek Pers.
3 Mordekay sa Zwif ti dezyenm apre Lerwa Asweris. I ti en dimoun enportan* parmi bann Zwif e tou son bann frer ti annan respe pour li. I ti travay pour byennet son pep e pour tou zot bann desandans ganny lape.
Bann not
^ Oubyen “byen respektab.”
