Ezekyel 19:1-14
-
En kantik dey pour bann sef Izrael (1-14)
19 “Ou devret sant en kantik dey konsernan bann sef Izrael
2 e dir,‘Lekel ki ti ou manman? I ti en femel lyon parmi bann lyon.
I ti alonz parmi bann zenn lyon for e pran swen avek son bann piti.
3 I ti elve enn son bann piti e i ti vin en zenn lyon for.
Sa zenn lyon ti aprann ki mannyer pour desir zannimo ki i touyeE i ti menm devor bann imen.
4 Bann nasyon ti tann koz lo li, zot ti atrap li dan zot latrap*E zot ti servi bann krose pour anmenn li Lezip.
5 Son manman ti esper li, me finalman i ti perdi lespwar ki i pou retournen.
Alor, i ti pran en lot son piti e fer li vin en zenn lyon for.
6 Li osi i ti mars parmi bann lyon e i ti vin en zenn lyon for.
I ti aprann ki mannyer pour desir zannimo ki i touye e i ti menm devor bann imen.
7 I ti mars parmi bann gran latour e detri zot bann lavil,Koumsa zot ti tann li kriye partou dan sa pei ki’n ganny abandonnen.
8 Bann nasyon dan zalantour ti atak li pour zet zot lasenn lo liE i ti pri dan zot latrap.
9 Zot ti servi bann krose e anferm li. Zot ti anmenn li kot lerwa Babilonn.
I ti reste anfermen laba pour ki zot pa tann ankor son lavwa lo bann montanny Izrael.
10 Ou manman ti parey en pye rezen dan ou disan,* ki’n ganny plante o bor en kantite delo.
Vi ki i ti o bor en kantite delo, i ti ganny fri ek en kantite brans.
11 I ti ganny bann brans* for ki kapab ganny servi pour fer bann baton lerwa.
I ti grandi e vin pli gran ki tou lezot pye dibwa.
Dimoun ti kapab vwar li akoz i ti gran e i ti annan en kantite fey.
12 Me i ti ganny derasinen avek lakoler e ganny zete ater.
En divan sorti dan les ti fer son fri sek.
Son bann brans for ti ganny kase e vin sek. Dife ti bril zot.
13 Aprezan, i’n ganny plante dan dezer,Dan en pei ki sek e ki napa delo.
14 Dife ti propaze dan son bann brans* e i ti bril son bann bourzon ek son fri.
I ti napa en brans for ki ti reste, i ti napa en baton lerwa.
“‘Sa i en kantik dey e i pou ganny servi konman en kantik dey.’”
Bann not
^ Literalman, “trou.”
^ Oubyen posibleman, “parey en pye rezen dan ou plantasyon rezen.”
^ Oubyen “bann baton.”
^ Oubyen “bann baton.”
