Ezekyel 2:1-10
2 Apre i ti dir mwan: “Garson zonm,* debout pour mon kapab koz avek ou.”
2 Ler i ti koz avek mwan, mon ti ganny lespri sen e lespri sen ti fer mwan debout pour mon kapab tann sa Enn ki ti pe koz avek mwan.
3 I ti dir mwan: “Garson zonm, mon pe anvoy ou kot pep Izrael, kot sa bann nasyon ki’n rebel kont mwan. Zot ek zot bann zanset zot in fer pese kont mwan ziska ozordi.
4 Mon pe anvoy ou kot bann dimoun ki antete e ki zot leker i dir. Ou devret dir zot, ‘La sa ki Souvren Senyer Zeova i dir.’
5 Me zot, vi ki zot en pep ki rebel, ki swa zot ekoute oubyen non, zot pou sirman konnen ki i ti annan en profet parmi zot.
6 “Me ou garson zonm, pa bezwen per zot e pa bezwen per sa ki zot dir ou, menm si ou antoure avek bann pye pikan* e ou pe reste parmi bann skorpyon. Pa bezwen per sa ki zot dir ou e pa bezwen per zot figir, parski zot en pep ki rebel.
7 Ki swa zot ekoute oubyen non, ou devret dir zot sa ki mon’n dir ou, parski zot en pep ki rebel.
8 “Me ou garson zonm, ekout sa ki mon pe dir ou. Pa bezwen rebele parey sa pep ki rebel. Ouver ou labous e manz sa ki mon pe donn ou.”
9 Ler mon ti gete, en dimoun ti anvoy son lanmen avek mwan e dan son lanmen i ti annan en roulo ki ti annan bann keksoz ki ti’n ganny ekrir ladan.*
10 Ler i ti ouver sa roulo devan mwan, i ti annan bann Kantik Dey ki ti’n ganny ekrir devan e deryer sa roulo e osi bann keksoz ki fer dimoun sagren e plere.
Bann not
^ Sa i premye fwa dan sa 93 fwa ki sa lekspresyon “garson zonm” i ganny servi dan liv Ezekyel.
^ Oubyen posibleman, “menm si sa pep i antete e zot parey bann keksoz ki pe pik ou.”
^ Oubyen “en roulo en liv.”
