Ezekyel 28:1-26
28 Zeova ti koz avek mwan ankor enn fwa e i ti dir:
2 “Garson zonm, dir sef Tir, ‘La sa ki Souvren Senyer Zeova i dir:
“Vi ki ou leker in vin orgeye, ou pe kontinyen dir, ‘Mon en bondye.
Mon asiz lo tronn en bondye dan milye lanmer.’
Me ou zis en zonm, ou pa en bondyeMenm si dan ou leker ou santi ki ou en bondye.
3 Ou krwar ki ou pli saz ki DanyelE ki napa sekre ki ou pa konnen.
4 Ou’n vin ris akoz ou lasazes ek ou disernmanE ou’n kontinyen anmas lor ek larzan* dan ou bann lasanm trezor.
5 Ou abilite pour fer komers in fer ou vin risE ou leker in vin orgeye akoz ou larises.”’
6 “‘Alor la sa ki Souvren Senyer Zeova i dir:
“Vi ki dan ou leker ou santi ki ou en bondye,
7 Mon pe fer bann etranze vin atak ou, sa nasyon ki pli sovaz ki lezot nasyon.
Zot pou servi zot lepe pour detri tou bann zoli keksoz ki ou’n gannyen akoz ou lasazesE zot pou fer ou perdi ou laglwar.
8 Zot pou fer ou desann dan trou*E ou pou mor dan en fason vyolan dan milye lanmer.
9 Eski ou pou dir avek sa enn ki pe touy ou, ‘Mon en bondye’?
Ou pou zis en zonm me pa en bondye dan lanmen sa bann ki pe mank respe pour ou.”’
10 ‘Bann etranze pou touy ou. Ou pou mor parey bann ki pa’n ganny sirkonsi,Parski mwan menm ki’n koze.’ La sa ki Souvren Senyer Zeova in dir.”
11 Zeova ti koz avek mwan ankor enn fwa e i ti dir:
12 “Garson zonm, sant en kantik dey konsernan lerwa Tir e dir li, ‘La sa ki Souvren Senyer Zeova i dir:
“Ou ti en model parfe,*Ou ti ranpli avek lasazes e ou labote ti parfe.
13 Ou ti dan Edenn, zarden Bondye.
Ou ti met tou kalite pyer presye lo ou,Ribi,* topaz,* zasp,*Krizolit,* oniks,* zad, safir,* tirkwaz* ek emerod.*
Sa bann pyer presye ti ganny mete lo bann keksoz* annor.
Zot ti ganny prepare sa zour ki ou ti ganny kree.
14 Mon ti swazir ou konman sa seriben ki donn proteksyon.
Ou ti lo montanny sen Bondye e ou ti mars parmi bann ros ki ti pe brile.
15 Depi zour ki ou ti ganny kree, ou ti san defoZiska ki ou ti konmans fer sa ki mal.
16 Vi ki ou ti fer en kantite komers,Ou ti vin vyolan e ou ti konmans fer pese.
Alor vi ki ou’n vin enpir, mon pou tir ou lo montanny Bondye e mon pou detri ou.
Ou sa seriben ki donn proteksyon, mon pou tir ou kot sa bann ros ki pe brile.
17 Ou leker ti vin orgeye akoz ou labote.
Ou laglwar ti sali ou lasazes.
Mon pou zet ou ater.
Mon pou fer ou vin en spektak devan bann lerwa.
18 Vi ki ou’n fer bann keksoz ki fer ou vreman koupab e ou pa’n onnet ler ou ti fer bann komers, ou’n sali ou landrwa sen.
Mon pou alim en dife kot ou e i pou bril ou.
Mon pou fer ou vin en ta lasann ater devan tou bann dimoun ki pe get ou.
19 Tou dimoun parmi lezot pep ki konn ou pou etonnen ler zot pou get ou.
Ou lafen pou vin en sel kou e i pou terib,Ou pou nepli egziste pour touzour.”’”
20 Zeova ti koz avek mwan ankor enn fwa e i ti dir:
21 “Garson zonm, get Sidon e profetiz kont li.
22 Ou devret dir, ‘La sa ki Souvren Senyer Zeova i dir:
“Sidon, mon pou pran aksyon kont ou e mon pou ganny glorifye kot ou.
Dimoun pou bezwen konnen ki mwan, mon Zeova ler mon pou kondann li e ganny sanktifye kot li.
23 Mon pou anvoy lepidemi lo li e disan pou koule dan son bann semen.
Ler i pou ganny atake avek lepe dan tou kote, bann ki ganny touye pou tonbe kot li.
Zot pou bezwen konnen ki mwan, mon Zeova.
24 “‘“Apre, pep Izrael pou nepli ganny antoure avek bann pye pikan ki fer zot soufer ek pikan ki donn douler, sa bann ki mepriz zot e bann dimoun pou bezwen konnen ki mwan, mon Souvren Senyer Zeova.”’
25 “‘La sa ki Souvren Senyer Zeova i dir: “Ler mon pou rasanble pep Izrael parmi bann pep kot zot in disperse, mon pou ganny sanktifye parmi zot devan bann nasyon. Zot pou reste dan sa pei ki mon’n donn Zakob mon serviter.
26 Zot pou reste dan sa pei an sekirite, zot pou konstri bann lakaz, plant bann plantasyon rezen e zot pou reste an sekirite ler mon pou ziz tou dimoun otour zot ki mepriz zot. Zot pou bezwen konnen ki mwan, mon Zeova zot Bondye.”’”
Bann not
^ Larzan, sa metal.
^ Oubyen “latonm.”
^ Oubyen “en legzanp ki montre perfeksyon.”
^ Ruby an Angle.
^ Topaz an Angle.
^ Jasper an Angle.
^ Chrysolite an Angle.
^ Vwar Leksplikasyon bann mo.
^ Sapphire an Angle.
^ Turquoise an Angle.
^ Emerald an Angle.
^ Mountings an Angle.
