Izai 56:1-12
56 La sa ki Zeova i dir:
“Fer ki i annan lazistis e fer sa ki byen,*Parski byento mon pou sov zotE mon pou montre mon ladrwatir.
2 Sa dimoun ki fer sa pou kontanE sa garson zonm ki determinen pour fer sa pou kontan,I obei lalwa Saba, i pa mank respe pour SabaE i pa fer okenn move keksoz.
3 Sa etranze ki ador Zeova pa devret dir,‘Zeova pou sirman separ mwan avek son pep.’
En zonm ki pa kapab fer zanfan* pa devret dir, ‘Gete! Mon en pye dibwa ki’n sek.’”
4 Parski la sa ki Zeova i dir bann zonm ki pa kapab fer zanfan ki obei mon bann saba, ki swazir pour fer bann keksoz ki fer mwan kontan e ki determinen pour gard mon lalyans:
5 “Mon pou donn zot en moniman dan mon lakaz e mon pou rapel zot non,Sa pou pli meyer ki bann garson ek bann fiy.
Mon pou rapel zot non pour touzour,Sa non pa pou disparet.
6 Me bann etranze ki ador ZeovaPour zot kontan non ZeovaE pour zot vin son bann serviter,Tou sa bann dimoun ki obei lalwa Saba, ki pa mank respe pour SabaE ki determinen pour gard mon lalyans,
7 Mon pou osi fer zot vin kot mon montanny senE mon pou fer zot zwaye dan mon lakaz lapriyer.
Mon pou aksepte zot bann lofrann brile* ek zot bann sakrifis ki zot ofer lo mon lotel.
Parski mon lakaz pou ganny apele en lakaz lapriyer pour tou dimoun.”
8 La sa ki Souvren Senyer Zeova, sa Enn ki pe rasanble bann dimoun Izrael ki’n ganny disperse i dir:
“Mon pou rasanble lezot dimoun kot li apard bann dimoun ki’n deza ganny rasanble.”
9 Tou bann zannimo sovaz dan lakanpanny, vin manze,Wi, tou bann zannimo sovaz dan lafore.
10 Son bann gardyen i aveg, zot pa’n remark nanryen.
Zot tou zot en bann lisyen ki pa fer tapaz, ki pa kapab zape.
Zot pe respir for e vit, zot pe alonze e zot kontan dormi.
11 Zot en bann lisyen ki voras.*
Zot pa zanmen satisfe.
Zot en bann berze ki pa konpran nanryen.
Zot tou zot in fer zot prop semen.
Zot tou zot pe rod zot prop profi malonnet e zot dir:
12 “Vini, les mwan bwar en pe divenE annou bwar nou ta lalkol ziska nou sou.
Demen pou parey ozordi, me i pou pli bon ankor!”
Bann not
^ Oubyen “drwat.”
^ Oubyen “enik.” Vwar Leksplikasyon bann mo.
^ Vwar Leksplikasyon bann mo.
^ Oubyen “ki for.”
