Kantik Salomon 4:1-16
4 “Gete! Ou sa enn ki mon kontan, ou zoli.
Gete! Ou zoli.
Ou lizye par deryer ou vwal i parey lizye bann kolonm.*
Ou seve i parey en troupo kabriKi pe desann lo bann montanny Gilead.
2 Ou ledan i parey en troupo mouton ki zot lalenn fek ganny koupeE ki sorti bennyen.
Zot tou zot in ganny bann zimoE napa enn ki’n perdi son piti.
3 Ou lalev i parey en difil rouzE ou dir bann zoli keksoz.
Ou lazou* par deryer ou vwalI parey en bout grenad.
4 Ou likou i parey latour David,Ki’n ganny konstri avek bann ranze rosKi annan mil boukliye ki anpandan lo la.
Tou sa bann boukliye ron i pour bann zonm for.
5 Ou tete i parey de pti serf,Zimo en gazel,Ki manz parmi bann fler lis.”
6 “Avan ki divan i konmans soufle* e lonbraz i ale,Mon pou al lo montanny kot i annan lamir*E lo sa pti montanny kot i annan lansan blan.”*
7 “Ou sa enn ki mon kontan, ou vreman zoli,Ou napa okenn defo.
8 Mon nouvel marye, kit Liban e vin avek mwan,Wi, kit Liban e vin avek mwan.
Sorti lo montanny Amana* e desann,Sorti lo montanny Senir, lo montanny Ermonn,Sorti kot bann lyon i reste, lo montanny kot bann leopar i reste.
9 Mon ser, mon nouvel marye, ou’n vol mon leker,Wi, ou’n vol mon leker avek zis en gete,Avek en pandan dan ou sennon.
10 Mon ser, mon nouvel marye, pa i zoli fason ki ou montre ki ou kontan mwan!
Fason ki ou montre ki ou kontan mwan i bokou pli bon ki divenE loder ou lesans i pli santi bon ki tou bann zepis!
11 Mon nouvel marye, ou lalev i koul dimyel ki sorti dan gof.
Anba ou lalang i annan dimyel ek dileE loder ou lenz i santi bon parey Liban.
12 Mon ser, mon nouvel marye, i parey en zarden ki’n ganny fermen avek lakle,En zarden ki’n ganny fermen avek lakle, en sours delo ki’n ganny byen kouver.
13 Ou bann pti brans i en paradi* kot i annan bann pye grenadAvek sa bann pli bon fri, avek roukou* ek bann nar,*
14 Nar ek safran, zon* ki santi bon ek kannel,Avek tou sort kalite pye lansan blan, lamir ek lalwes*Ek tou bann pli bon lesans.
15 Ou en sours delo dan en zarden, en pwi delo douEk bann pti larivyer sorti Liban.
16 Vandnor, leve.
Vandsid, vini.
Soufle* lo mon zarden.
Les son loder al partou.”
“Les sa enn ki mon kontan vin dan mon zardenE manz son bann pli bon fri.”
Bann not
^ Oubyen “pizon.” Dove an Angle.
^ Oubyen “latanp.”
^ Literalman, “sa zour i respire.”
^ Vwar Leksplikasyon bann mo.
^ Vwar Leksplikasyon bann mo.
^ Oubyen “Anti-Liban.”
^ Oubyen “zarden.”
^ Henna an Angle.
^ Sa i en plant ki santi bon. Spikenard an Angle.
^ Cane an Angle.
^ Bann pye dibwa ki son lesans i santi bon.
^ Oubyen “Soufle dousman.”
