Dapre Mark 16:1-8
-
Zezi i ganny resisite (1-8)
16 Alor, apre Saba, Mari Magdalenn, Mari manman Zak ensi ki Salome ti aste bann zepis ki santi bon pour ki zot prepar lekor Zezi.
2 Byen granmaten, premye zour lasemenn ler soley ti’n leve, zot ti al kot latonm.
3 Zot ti pe dir kanmarad: “Lekel ki pou roul sa ros ki dan larantre latonm pour nou?”
4 Me ler zot ti get kot latonm, zot ti vwar ki sa ros ti’n fini ganny roule akote, menm si i ti vreman en gro ros.
5 Ler zot ti antre dan sa latonm, zot ti vwar en zenn onm dan lenz blan pe asize lo kote drwat, alor zot ti sezi.
6 I ti dir zot: “Pa per. Zot pe rod Zezi sa Nazareen ki ti ganny met amor lo poto. I’n ganny resisite. I pa la. Gete, la landrwa kot zot ti met li.
7 Me selman, ale, dir son bann disip ek Pyer, ‘I pe al esper zot Galile. Zot pou vwar li laba, parey i ti’n dir zot.’”
8 Alor ler zot ti sorti, zot ti kit latonm an tayan pe tranble. Zot pa ti oule krwar, me zot pa ti dir personn nanryen parski zot ti per.*
Bann not
^ Dapre bann vye kopi Labib ki diny konfyans, levanzil Mark i fini avek bann parol ki ganny trouve dan verse 8.
