Bann Proverb 26:1-28
26 Parey lanez pandan sezon lete ek lapli pandan sezon rekolt,I pa byen pour onor en dimoun ki bet.
2 Zis parey en zwazo i annan rezon pour li sove e en zirondel i annan rezon pour li anvole,En dimoun pa ganny modi san okenn bon rezon.*
3 Fwet i pour seval, labrid* i pour bourikE baton i pour ledo bann dimoun ki bet.
4 Pa bezwen reponn en dimoun ki bet parey en dimoun ki bet,Pour ou pa vin parey li.*
5 Reponn en dimoun ki bet parey en dimoun ki bet,Pour li pa krwar ki i saz.
6 En dimoun ki fer en dimoun ki bet fer en keksoz pour liI parey en dimoun ki bles son prop lipye e ki fer ditor son lekor.*
7 Ler en dimoun ki bet i dir en proverb,Sa i parey lipye en dimoun ki bwete.*
8 Ler en dimoun ki bet i ganny glorifye,Sa i parey ler ou anmar en ros dan en fles.
9 Ler en dimoun ki bet i dir en proverb,Sa i parey en pye pikan dan lanmen en soular.
10 En dimoun ki anploy en dimoun ki bet oubyen en dimoun ki pe zis pase,I parey en dimoun ki tir fles e ki bles nenport dimoun.*
11 Zis parey en lisyen i manz son vomi,En dimoun ki bet i refer bann menm keksoz bet.
12 Eski ou’n deza vwar en dimoun ki krwar i saz?
I annan plis lespwar pour en dimoun ki bet ki sa dimoun.
13 En dimoun ki pares i dir: “I annan en zenn lyon dan semen,I annan en lyon dan landrwa piblik!”
14 En laport i zis ouver fermen*E en dimoun ki pares i vir vire lo son lili.
15 En dimoun ki pares i met son lanmen dan bol manze,Me i tro fatige pour met manze dan son labous.
16 En dimoun ki pares i krwar i pli sazKi set dimoun ki donn en larepons ki fer sans.
17 En dimoun ki pe pase e ki ankoler akoz* en kankan ki pa konsern li,I parey en dimoun ki pe tyonbo zorey en lisyen.
18 En dimoun fou ki tir bann misil ki annan dife, bann fles ek lanmor,*
19 I parey en dimoun ki trik son prosen e i dir, “Mon ti pe zwe!”
20 Kot napa dibwa, dife i tennyenE kot napa dimoun ki fann rimer, napa dispit.
21 Parey sarbon ek dibwa ki pou ganny mete dan dife,Sa i parey en dimoun kankan ki kontan konmans en dispit.
22 Sa ki en dimoun ki fann rimer i dir i parey bann pti bout manze ki bon.*
En dimoun i anval sa manze e i desann dan son vant.
23 Ler en move dimoun i dir bann parol zantiy*Sa i parey en resipyan ki’n ganny fer avek later me ki’n ganny penn avek larzan.*
24 En dimoun ki ay lezot pa montre ki i ay zot ler i koze,Me dan son leker i kasyet son lentansyon pour anbet lezot.
25 Menm si i dir bann bon keksoz, pa bezwen annan konfyans dan li,Parski i annan set keksoz degoutan dan son leker.*
26 Menm si i kasyet ki i ay lezot,Tou dimoun pou konnen ki i en move dimoun.
27 En dimoun ki fouy en trou pou tonm ladanE en dimoun ki roul en ros, sa ros pou roul lo li.
28 En dimoun ki koz manti i ay sa bann dimoun ki ganny blese avek sa ki i dirE en dimoun ki flat lezot i anmenn problenm.
Bann not
^ Oubyen posibleman, “En dimoun pa ganny modi si i pa merite.”
^ Vwar Leksplikasyon bann mo.
^ Oubyen “Pour ou pa fer ou vin egal avek li.”
^ Literalman, “bwar vyolans.”
^ Oubyen “anpandan.”
^ Oubyen “ki bles tou dimoun.”
^ Oubyen “fermen lo son kouple.”
^ Oubyen posibleman, “ki mel dan.”
^ Oubyen “bann fles ki touye.”
^ Oubyen “i parey bann keksoz ki ganny anvale dan en fason voras.”
^ Literalman, “labous ki devoue.”
^ Larzan, sa metal.
^ Oubyen “Parski son leker i konpletman degoutan.”
