Psonm 140:1-13
Pour direkter lanmizik. En sanson David.
140 O Zeova, delivre mwan kont bann move dimoun.Protez mwan kont bann dimoun vyolan,
2 Kont bann ki fer konplo dan zot leker pour fer ditorE fer dimoun lager tou dilon lazournen.
3 Zot fit zot lalang parey lalang en serpan.Pwazon serpan* i lo zot lalev. (Sela)
4 O Zeova, pa les mwan tonm dan lanmen bann move dimoun.Protez mwan kont bann dimoun vyolan,Bann ki fer konplo pour fer mwan tonbe.
5 Bann dimoun arogan in kasyet en pyez pour mwan.Avek lakord, zot tal en lasenn o bor santye.
Zot met bann latrap pour mwan. (Sela)
6 Mon dir Zeova: “Ou mon Bondye.
O Zeova, ekout mwan ler mon sipliy ou pour ed mwan.”
7 O Zeova Souvren Senyer, mon Sover pwisan,Ou protez mon latet zour batay.
8 O Zeova, pa akonpli dezir bann move dimoun.
Pa les zot bann konplo reisi, pour ki zot pa glorifye zot lekor. (Sela)
9 Ki bann move keksoz ki dimoun toultour mwan pe dirI tonm lo zot prop latet.
10 Ki labrez i tonm lo zot parey lapli.
Ki zot ganny zete dan dife,Dan bann gran trou,* pour ki zot pa zanmen lev ankor.
11 Ki sa enn ki fer kalonmni pa ganny en landrwa reste lo later.*
Ki maler i tay deryer bann dimoun vyolan e detri zot.
12 Mon konnen ki Zeova pou defann bann ki malereE i pou fer bann pov ganny lazistis.
13 Sirman bann ki fer sa ki byen pou loue ou non.Bann ki fer sa ki byen pou reste devan ou.*
Bann not
^ Viper an Angle.
^ Oubyen “Dan bann gran trou delo.”
^ Oubyen “dan pei.”
^ Oubyen “devan ou figir.”
