Psonm 2:1-12
2 Akoz bann nasyon i ankolerE bann pep pe mantoun* lo en keksoz ki pa fer sans?
2 Bann lerwa lo later i pare pour lagerE bann o zofisye i rasanble ansanm*Kont Zeova e kont sa enn ki i’n swazir.*
3 Zot dir: “Annou kas zot lasennE tir sa bann lakord ki zot in anmar nou avek!”
4 Sa Enn ki lo tronn dan lesyel pou riye.Zeova pou monk zot.
5 Sa letan, i pou koz avek zot avek lakolerE dan son gran lakoler, i pou fer zot vreman per.
6 I pou dir: “Mwan mon’n etabli mon lerwaLo Siyon, mon montanny sen.”
7 Mon pou anons sa ki Zeova in deside.I ti dir mwan: “Ou mon garsonE ozordi mon’n vin ou papa.
8 Demann mwan e mon pou donn ou bann nasyon konman ou leritazE later antye konman ou propriyete.
9 Ou pou kas zot avek en baton feray lerwa,Ou pou kraz zot an morso parey en resipyan anter.”
10 Aprezan, zot bann lerwa, demontre bon zizmanE zot bann ziz lo later, les zot ganny korize.*
11 Servi Zeova avek en gran respe*E tranble avek lazwa.
12 Onor* son garson pour ki Bondye* pa ankolerE ki zot pa ganny detrir.*Parski i fasilman ankoler.
Ere bann ki rod Son proteksyon.
Bann not
^ Oubyen “medit.”
^ Oubyen “rod konsey kanmarad.”
^ Oubyen “kont son Kris.”
^ Oubyen “ekout lavertisman.”
^ Literalman, “lafreyer.”
^ Literalman, “Anbras.”
^ Literalman, “i.”
^ Oubyen “ganny detrir lwen avek sa semen,” setadir semen ladrwatir.
