Psonm 34:1-22
En sanson David ler i ti fer krwar i ti’n perdi lespri devan Abimelek ki ti pous li e David ti ale.
א [Aleph]
34 Mon pou toultan loue Zeova.Mon pou toultan loue li avek mon labous.
ב [Beth]
2 Mon pou fyer akoz Zeova.Bann ki annan limilite pou tande e zot pou dan lazwa.
ג [Gimel]
3 Glorifye Zeova avek mwan,Annou loue son non ansanm.
ד [Daleth]
4 Mon ti demann gidans Zeova e i ti reponn mwan.
I ti delivre mwan avek tou sa ki fer mwan per.
ה [He]
5 Bann ki annan konfyans dan li in vin zwaye,Zot pa pou zanmen onte.
ז [Zayin]
6 En malere* ti priye e Zeova ti tande.
I ti sov li dan tou son soufrans.
ח [Heth]
7 Lanz Zeova pe kanpe toultour bann ki annan en gran respe pour LiE i delivre zot.
ט [Teth]
8 Goute* e vwar ki Zeova i bon.Ere sa dimoun ki rod son proteksyon.
י [Yod]
9 Zot son bann sen, annan en gran respe pour ZeovaParski bann ki annan en gran respe pour li pa mank nanryen.
כ [Kaph]
10 Bann zenn lyon for i lafen akoz napa bokou manze,Me bann ki pe rod Zeova pa pou mank okenn keksoz ki bon.
ל [Lamed]
11 Mon bann garson, vin ekout mwan.Mon pou ansenny zot pour annan en gran respe pour Zeova.
מ [Mem]
12 Lekel sa dimoun ki kontan laviE ki ti pou kontan viv en lavi ere pour bokou letan?
נ [Nun]
13 Alor ou devret veye ki ou lalang pa dir sa ki malE ki ou labous pa koz manti.
ס [Samekh]
14 Aret fer sa ki mal e fer sa ki byen.Rod lape e kontinyen viv anpe.
ע [Ayin]
15 Lizye Zeova i vey lo bann dimoun ki fer sa ki byenE son zorey i ekout zot ler zot demann li led.
פ [Pe]
16 Me Zeova i vir ledo avek bann ki fer sa ki mal,Pour ki personn pa rapel zot ankor lo later.
צ [Tsade]
17 Bann ki fer sa ki byen ti priye e Zeova ti tande.I ti sov zot dan tou zot soufrans.
ק [Qoph]
18 Zeova i pros avek bann ki annan en leker brize,I sov bann ki dekouraze.*
ר [Resh]
19 En dimoun ki fer sa ki byen i pas dan bokou problenm,*Me Zeova i delivre li dan tou son problenm.
ש [Shin]
20 I pe protez tou son bann lezo,Ni enn pa’n ganny kase.
ת [Taw]
21 Maler pou touy bann move dimoun.Bann dimoun ki ay bann ki fer sa ki byen pou ganny trouve koupab.
22 Zeova i sov lavi son bann serviter,Ni enn parmi bann ki rod son proteksyon pa pou ganny trouve koupab.
Bann not
^ Aparaman, sa pe refer avek David.
^ Oubyen “Teste.”
^ Oubyen “I ed bann ki zot lespri i fatige.”
^ Oubyen “maler.”
