Psonm 55:1-23
Pour direkter lanmizik. Sa sanson i devret ganny zwe avek bann lenstriman lakord. Maskil.* En sanson David.
55 O Bondye, ekout mon lapriyerE pa inyor mwan ler mon demann ou pour pran pitye pour mwan.*
2 Silvouple ekout mwan e reponn mwan.
Mon latet i fatige akoz mon problenm.Mon sitan trakase
3 Akoz sa ki mon lennmi pe dirE sa presyon ki bann move dimoun i met lo mwan.
Parski zot met mwan dan en kantite problenm,Zot gard rankin e ankoler avek mwan.
4 Mon leker i sere*E mon vreman per lanmor.
5 Mon pe tranble avek lafreyerE mon ganny frison.
6 Mon toultan dir: “Si selman mon ti annan lezel parey en kolonm!*
Mon ti pou anvole e reste dan en landrwa an sekirite.
7 Gete! Mon ti pou sov lwen.
Mon ti pou al reste dan dezer. (Sela)
8 Mon ti pou tay kot en landrwa kasyetLwen avek sa gro divan, lwen avek sa tanpet.”
9 O Zeova, fer zot panik e anpes zot plan reisi,Parski mon’n vwar vyolans ek konfli dan lavil.
10 Lizour konman aswar, zot mars lo bann miray lavil.Dan sa lavil, i annan problenm ek lemal.
11 Maler i partou kote dan sa lavil.I toultan annan labi ek koripsyon dan landrwa piblik sa lavil.
12 Si mon lennmi ti ensilte mwan,Mon ti pou kapab siporte.
Si en dimoun ki ay mwan ti atak mwan,Mon ti pou kapab kasyet li.
13 Me i ou, en dimoun parey mwan,Mon prop zanmi ki mon konn byen.
14 Nou ti de bon zanmi,Nou ti abitye al dan lakaz Bondye ansanm avek en gran lafoul.
15 Ki zot ganny detrir en sel kou!
Ki zot desann vivan dan Latonm*Parski lemal i reste kot zot e dan zot leker.
16 Me mwan, mon pou priy BondyeE Zeova pou sov mwan.
17 Aswar, bomaten ek midi, mon latet i fatige e mon plennyenE Bondye i tann mon lavwa.
18 Menm si zot lager avek mwan e lafoul i atak mwan,I pou delivre mwan e donn mwan lape.
19 Bondye, sa enn ki asiz lo tronn depi lontanPou tande e i pou reponn zot. (Sela)
Bann ki napa respe pour BondyePou refize sanze.
20 I* ti atak sa bann ki ti anpe avek li,I ti kas son lalyans.
21 Son bann parol i pli bon ki diber,Me dan son leker, i annan laenn.
Son bann parol i pli dous ki delwil,Me zot koupe parey lepe.
22 Zet* ou fardo lo ZeovaE i pou soutenir ou.
I pa pou zanmen les sa enn ki fer sa ki byen tonbe.*
23 Me ou, O Bondye, ou pou fer zot desann dan sa trou ki fon.
Bann ki touy dimoun e ki koz manti pa pou viv lanmwatye zot lavi.
Me mwan, mon pou annan konfyans dan ou.
Bann not
^ Vwar Leksplikasyon bann mo.
^ Oubyen “E pa kasyet ler mon priy ou pour ed mwan.”
^ Oubyen “Mon angwase.”
^ Oubyen “pizon.” Dove an Angle.
^ Ebre, Sheʹol, setadir, latonm tou bann dimoun ki’n mor an zeneral. Vwar Leksplikasyon bann mo.
^ Setadir, son zanmi avan, ki ganny mansyonnen dan verse 13 ek 14.
^ Oubyen “larg.”
^ Oubyen “drive.”
