Psonm 64:1-10
-
Proteksyon kont bann latak anba anba
-
“Bondye pou tir fles lo zot” (7)
-
Pour direkter lanmizik. En sanson David.
64 O Bondye, ekout mwan ler mon sipliy ou.
Sov mon lavi ler mon lennmi i atak mwan.
2 Protez mwan kont konplo bann move dimoun ki ganny fer an sekre,Protez mwan kont lafoul dimoun ki fer sa ki mal.
3 Zot fit zot lalang parey en lepeE zot servi bann parol kriyel parey en dimoun ki viz son fles
4 Dan en landrwa kasyet e ki tir son fles lo en inosan.San okenn lafreyer, en sel kou zot tir fles lo li.
5 Zot persiste pour fer sa ki mal.*Zot fer plan pour konnen kote zot pou kasyet zot latrap.
Zot dir: “Lekel ki pou vwar zot?”
6 Zot rod bann nouvo fason pour fer sa ki mal.An sekre, zot fer plan pour fer bann move keksoz.Bann panse dan leker en dimoun i difisil pour konpran.
7 Me Bondye pou tir fles lo zot.En sel kou, en fles pou bles zot.
8 Sa ki zot dir* pou fer zot tonbe.Tou bann ki pe gete pou sakouy zot latet.
9 Alor tou dimoun pou per,Zot pou koz lo sa ki Bondye in ferE zot pou konpran sa ki i’n fer.
10 Dimoun ki fer sa ki byen pou dan lazwa akoz Zeova e zot pou pran refiz dan li.Tou bann ki annan en leker senser pou selebre.*
Bann not
^ Oubyen “Zot ankouraz kanmarad pour fer sa ki mal.”
^ Oubyen “Zot lalang.”
^ Oubyen “fer vantar.”
