Psonm 74:1-23
Maskil.* En sanson Asaf.
74 O Bondye, akoz ou’n rezet nou pour touzour?
Akoz ou ankoler avek bann mouton ki ou ti pran swen avek?
2 Mazin sa pep ki ou ti swazir depi byen lontan,Sa tribi ki ou ti delivre pour ki i vin ou leritaz.
Mazin Montanny Siyon, kot ou ti reste.
3 Al kot sa landrwa ki’n ganny konpletman detrir.
Lennmi in detri tou keksoz dan landrwa sen.
4 Ou bann lennmi ti kriye dan landrwa kot ou ganny adore.*
Zot ti met zot bannyer* laviktwar laba.
5 Zot ti parey bann zonm ki pe servi lars dan en lafore.
6 Avek zot lars ek bar feray, zot ti kas tou son bann dekorasyon.
7 Zot ti met dife dan ou landrwa sen.
Zot ti mank respe pour tabernak* ki port ou non e zet li ater.
8 Zot ek zot desandans in dir dan zot leker:
“Tou bann landrwa kot Bondye i ganny adore* dan pei i devret ganny brile.”
9 Nou pa vwar okenn siny,I nepli annan profetE personn parmi nou pa konnen konbyen letan sa pou dire.
10 O Bondye, ziska kan ki ou lennmi pou kontinyen provok ou?
Eski ou lennmi pou mank respe pour ou non pour touzour?
11 Akoz ou pa servi ou lanmen, ou lanmen drwat pour pran aksyon?
Silvouple tir ou lanmen dan ou lenz* e detri zot.
12 Me Bondye i mon Lerwa depi lontan,Sa Enn ki azir pour sov nou lo later.
13 Avek ou lafors, ou ti fer lanmer azite.Ou ti kraz latet bann gro bebet ki dan lanmer.
14 Ou ti kraz latet Levyatan*E ou ti donn lepep pour manze, wi avek bann ki reste dan dezer.
15 Ou ti fer bann sours delo ek larivyer koule,Ou ti fer sek larivyer ki pa zanmen sek.
16 Lizour ek lannwit i pour ou.
Ou’n fer lalimyer ek soley.
17 Ou’n met bann lafrontyer lo later,Ou’n fer lete ek liver.
18 O Zeova, pa bliye ki ou bann lennmi in provok ou,Ki mannyer en pep ki bet in mank respe pour ou non.
19 Pa les bann bebet sovaz touy ou tourtrel.
Pa oubliy pour touzour ou pep ki pe soufer.
20 Mazin sa lalyans,Parski bann dimoun vyolan i reste dan bann landrwa fernwanr lo later.
21 Pa les sa enn ki ganny abize dezapwente.Ki bann malere ek bann pov i loue ou non.
22 O Bondye, silvouple leve e defann ou lekor.
Pa bliye ki mannyer bann dimoun bet i provok ou tou dilon lazournen.
23 Pa oubliye ki ou bann lennmi pe dir.
Tapaz bann ki opoz ou i kontinyen mont ziska dan lesyel.
Bann not
^ Vwar Leksplikasyon bann mo.
^ Oubyen “landrwa kot zot rasanble.”
^ Oubyen “siny.” Banners an Angle.
^ Oubyen “latant ladorasyon.” Vwar Leksplikasyon bann mo.
^ Oubyen “Tou bann landrwa kot zot rasanble.”
^ Oubyen “tir ou lanmen lo ou lestoman.”
^ Aparaman, sa pe refer avek krokodil oubyen en lot gro zannimo for ki reste dan delo.
