Psonm 86:1-17
En lapriyer David.
86 O Zeova, ekout mwan* e reponn mwanParski mon pov e mon pe soufer.
2 Protez mwan* parski mon fidel.
Sov ou serviter ki annan konfyans dan ou,Parski ou mon Bondye.
3 O Zeova, demontre labonte anver mwan,Parski mon priy ou tou dilon lazournen.
4 O Zeova, fer ou serviter zwaye,Parski mon depan lo ou.
5 Parski ou, O Zeova, ou bon e pare pour pardonnen,Ou demontre en kantite lanmour fidel pour bann ki priy ou.
6 O Zeova, ekout mon lapriyerE ekout mwan ler mon pe sipliy ou pour ed mwan.
7 Mon priy ou ler mon dan problenm,Parski ou pou reponn mwan.
8 O Zeova, napa en lot bondye parey ou.Napa personn ki’n fer sa ki ou’n fer.
9 O Zeova, tou bann nasyon ki ou’n ferPou tonm azenou devan ouE zot pou glorifye ou non.
10 Parski ou gran e ou fer bann keksoz merveye.Napa en lot bondye apard ki ou.*
11 O Zeova, montre mwan ki mannyer ou oule mon viv.*
Mon pou mars dapre ou laverite.
Ed mwan pour ki avek tou mon leker,* mon annan en gran respe pour ou non.
12 O Zeova mon Bondye, mon loue ou avek tou mon lekerE mon pou glorifye ou non pour touzour.
13 Parski ou’n demontre en kantite lanmour fidel anver mwanE ou’n sov mon lavi pour ki mon pa desann dan fon Latonm.*
14 O Bondye, bann zonm arogan in atak mwan,Bann dimoun sovaz pe rod touy mwanE zot napa okenn respe pour ou.*
15 Me ou, O Zeova, ou en Bondye ki annan pitye ek konpasyon,*Ou pa ankoler vitman* e ou annan en kantite lanmour* ek fidelite.*
16 Get mwan e demontre labonte anver mwan.
Donn ou serviter ou laforsE sov garson ou servant.
17 O Zeova, montre mwan en siny ou labonte,Pour ki bann ki ay mwan i kapab onte ler zot vwar sa siny
Parski ou ki konsol mwan e ed mwan.
Bann not
^ Oubyen “Bes anba e ekoute.”
^ Oubyen “mon lavi.”
^ Oubyen “Zis ou ki Bondye.”
^ Oubyen “ansenny mwan ou semen.”
^ Oubyen “avek en sel leker.”
^ Ebre, Sheʹol, setadir, latonm tou bann dimoun ki’n mor an zeneral. Vwar Leksplikasyon bann mo.
^ Oubyen “zot pa’n met ou devan zot.”
^ Oubyen “labonte.”
^ Oubyen “pasyan.”
^ Oubyen “lanmour fidel.”
^ Oubyen “laverite.”
