Zefanya 2:1-15
2 Ou sa nasyon ki napa piderRasanble ansanm, wi, rasanble.
2 Avan ki lord Bondye i ganny akonplir,Avan ki sa zour i pase parey lapay dan divan,Avan ki Zeova i tir son gran lakoler lo zot,Avan ki zour lakoler Zeova i vin lo zot,
3 Rod Zeova, zot tou ki annan limilite lo laterE ki obei son bann lalwa ki drwat.*
Rod ladrwatir, rod limilite.
Tre probab,* zot pou ganny kasyet zour lakoler Zeova.
4 Parski Gaza pou vin en lavil abandonnenE Askelonn pou ganny dezerte.
Gran lizour,* bann dimoun Asdod pou ganny pouse par zot lennmiE Ekronn pou ganny derasinen.
5 “Maler pour bann ki reste o bor lanmer, sa nasyon Keretit!
Zeova in kondann zot.
Ou Kanaan, pei bann Filisten, mon pou detri ou,Koumsa i pa pou reste okenn zabitan kot ou.
6 Rezyon o bor lanmer pou vin en landrwa kot i annan zerb pour zannimo,Kot i pou annan bann pwi pour bann berze ek berkay pour bann mouton.
7 I pou vin en rezyon pour larestan desandans Zida.
Zot pou manz laba.
Aswar zot pou alonz dan bann lakaz Askelonn.
Parski Zeova zot Bondye pou pran swen avek zotE i pou fer bann ki ti an egzil retournen.”
8 “Mon’n tann bann Moabit ek bann Amonnit boufonn e ensilte mon pep,Zot in sifok mon pep e avek larogans, zot in menase pour pran zot teritwar.”
9 Alor la sa ki Zeova Sef larme, Bondye Izrael i dir, “Mwan sa Bondye vivan, mon fer serman,Moab pou vin parey SodonmE Amonn parey Gomor,En landrwa kot i annan touf pikan ek disel dan later e i pou vin en dezer pour touzour.
Larestan mon pep pou depouy zotE pran tou sa ki zot annan.
10 La sa ki zot pou gannyen dan plas zot lorgey,Parski zot in sifok e tret avek larogans pep Zeova Sef larme.
11 Zeova pou fer zot vreman per,*Parski i pou detri tou bann bondye lo laterE lo tou zil, bann nasyon pou azenou devan li,*Sakenn dan son plas.
12 Zot bann Etyopyen, zot osi zot pou ganny touye avek mon lepe.
13 I pou lev son lanmen dan direksyon nor e detri AsiriE i pou fer Niniv vin en landrwa dezerte e sek parey en dezer.
14 Bann troupo ek toudsort zannimo sovaz pou reste laba.
Pelikan* ek tang* pou pas lannwit parmi son bann pilye ki’n tonbe.
En lavwa pou sante par lafnet.
I pou annan bann debri dan larantre,Parski bann plans sed pou reste dan soley ek lapli.
15 La i la sa lavil orgeye ki ti an sekirite,Ki ti pe dir dan son leker, ‘Mwan ki la, napa en lot parey mwan.’
Aprezan i’n vin en keksoz ki fer dimoun per,En landrwa kot bann zannimo sovaz pou reste!
Tou dimoun ki pas o bor li pou soufle e montre ledwa lo li.”
Bann not
^ Literalman, “son zizman.”
^ Oubyen “I kapab ki.”
^ Oubyen “gran midi.”
^ Oubyen “pou vin en Bondye efreyan.”
^ Oubyen “ador li.”
^ Sa i en zwazo ki annan en gran labek ek en pos anba la.
^ En gro kalite tang. Porcupine an Angle.
