Zekarya 10:1-12
10 “Demann Zeova lapli pandan sezon lapli prentan.
Zeova ki fer bann gro nyaz lapli,Ki fer lapli tonbe pour bann imenE ki fer vezetasyon dan lakanpanny pouse pour tou dimoun.
2 Parski bann stati* in koz mansonz*E bann ki predir lavenir in vwar bann vizyon ki pa vre.
Zot rakont bann rev ki napa valerE zot esey konsol bann dimoun, me personn pa ganny konsole.
Sanmenm sa zot pou vin parey bann mouton ki pa konnen kote pour ale.
Zot pou soufer akoz napa berze.
3 Mon vreman ankoler avek bann berzeE mon pou fer bann sef dominer* rann kont.
Parski Zeova Sef larme pou pran swen avek son troupo, pep ZidaE i’n fer zot vin parey son pli zoli seval dan lager.
4 Dan Zida, sa sef* i sorti,Dan li, sa sef ki siport li* i sorti,Dan li, sa lark* lager i sortiE dan li, tou bann sef* i sorti, zot tou ansanm.
5 Zot pou vin parey bann geryeKi pyetin* labou dan semen pandan lager.
Zot pou lager, parski Zeova i avek zotE zot lennmi ki lo seval pou ganny imilye.
6 Mon pou fer pep Zida vin pli forE mon pou sov desandans Zozef.
Mon pou fer zot retourn dan zot pei,Parski mon pou annan pitye pour zot.
I pou konmsi mon pa ti’n zanmen rezet zot,Parski mwan, mon Zeova zot Bondye e mon pou reponn zot.
7 Bann dimoun Efraim pou bezwen vin parey en gerye ki forE zot pou dan lazwa konmsi zot in bwar diven.
Zot zanfan pou dan lazwa ler zot vwar sa,Zot pou zwaye akoz Zeova.
8 ‘Mon pou soufle e rasanble zot.
Parski mon pou delivre zot, zot pou vin bokouE zot pou kontinyen ogmante.
9 Menm si mon dispers zot parmi bann nasyon parey lagrenn,Zot pou rapel mwan ler zot dan sa bann landrwa byen lwen.
Zot ek zot zanfan pou reganny lafors e zot pou retournen.
10 Mon pou fer zot retournen sorti dan pei Lezip.
Mon pou fer zot sorti Asiri e rasanble zot.
Mon pou anmenn zot dan pei Gilead ek LibanE i pou napa ase plas pour zot.
11 Mon pou travers lanmer par anvoy en maler lo li.
Mon pou fer bann laroul kalmi dan lanmer.
Larivyer Nil pou konpletman sek.
Mon pou imilye Asiri ki orgeyeE mon pou detri baton lerwa Lezip.
12 Mwan Zeova, mon pou fer zot vin pli forE zot pou mars o non zot Bondye.’ La sa ki Zeova in dir.”
Bann not
^ Ebre, “Terafim.” Sa i bann bondye oubyen zidol ki bann fanmir ti annan.
^ Oubyen “in koz lo bann keksoz mazik.”
^ Literalman, “bann bouk.”
^ Literalman, “en latour dan kwen miray.” Sa i en dimoun enportan, en sef.
^ Literalman, “en pike.” En dimoun ki siport lezot, en dirizan.
^ Vwar Leksplikasyon bann mo.
^ Oubyen “formenn.”
^ Oubyen “kraz.”
