Zob 12:1-25
12 Alor Zob ti reponn:
2 “Vreman zot menm ki konnen*E ler zot mor, lasazes pou fini avek zot!
3 Me mwan osi mon annan lentelizans.*
Mon pa pli enferyer ki zot.
Lekel ki pa konn sa bann keksoz?
4 Mon bann zanmi pe boufonn mwan,Mon demann Bondye pour ganny en larepons.
En dimoun drwat e san repros pe ganny boufonnen.
5 Sa enn ki napa problenm i mepriz bann ki pas dan maler,I krwar ki maler i tap zis bann ki lipye i fay fay.*
6 Latant bann voler i anpeE bann ki provok Bondye i an sekirite,Bann ki anmenn zot bondye dan zot lanmen.
7 Par kont, silvouple demann bann zannimo e zot pou ansenny ou,Demann bann zwazo dan lesyel e zot pou dir ou.
8 Oubyen get byen* later e i pou ansenny ouE bann pwason dan lanmer pou fer ou konnen.
9 Lekel parmi tou sa bann keksoz ki pa konnenKi lanmen Zeova ki’n fer tousala?
10 Lavi tou sa ki vivan i dan son lanmen,Osi lafors* ki dan tou bann imen.
11 Pa zorey i kapab teste bann parolParey lalang* i gout manze?
12 Pa dimoun aze ki annan lasazesE pa dimoun ki viv lontan ki annan lentelizans?
13 Me Bondye i saz e pwisan,I annan lentelizans ek konsey.
14 Ler i detri en keksoz, personn pa kapab rekonstri li,Sa ki i’n fermen, personn pa kapab ouver.
15 Ler i anpes lapli tonbe, tou i vin sek.
Ler i fer lapli tonbe, i kouver later.
16 Bondye i pwisan e i azir avek lasazes.
Sa enn ki anbet lezot e sa enn ki ganny anbete, tou le de i pour li.
17 I fer bann konseye mars nipye*E i fer bann ziz vin bet.
18 I delarg lasenn ki’n ganny mete par bann lerwaE i met en sang dan leren bann lerwa.
19 I fer bann pret mars nipyeE i tir bann ki annan lotorite o pouvwar.
20 I anpes bann bon konseye kozeE bann dimoun aze* annan bon zizman.
21 I fer bann dimoun enportan ganny meprizeE bann dimoun pwisan vin fay.*
22 I revel bann keksoz profon ki dan fernwanrE i met o kler sa ki dan fernwanr.
23 I fer bann nasyon vin pwisan pour detri zot,I fer bann nasyon vin gran pour anmenn zot an egzil.
24 I fer bann sef lepep ki entelizan vin betE i fer zot ale vini dan dezer kot napa semen.
25 Zot tatonnen dan fernwanr, kot napa lalimyer.
I fer zot ale vini parey bann dimoun sou.
Bann not
^ Literalman, “zot sa pep.”
^ Literalman, “en leker.”
^ Oubyen “glise.”
^ Oubyen posibleman, “koz avek.”
^ Oubyen “souf.”
^ Literalman, “pale.”
^ Oubyen “I pran tou keksoz bann konseye.”
^ Oubyen “ansyen.”
^ Literalman, “E delarg sang bann dimoun pwisan.”
