Zob 20:1-29
20 Zofar sa Naamatit ti reponn:
2 “Mon lespri i fatige e mon pe perdi pasyansSanmenm mon bezwen reponn.
3 Sa ki ou’n dir in ensilte mwanMe mon lentelizans i obliz mwan pour reponn.
4 Sirman ou’n toultan konn saParski i’n toultan koumsa depi ki zonm* i lo later
5 Ki en move dimoun i kriye avek lazwa pour zis en ptigin letanE lazwa sa enn ki napa respe pour Bondye* i zis pour en pti moman.
6 Menm si son larogans i ariv ziska dan lesyelE son latet i ariv ziska dan nyaz,
7 I pou disparet pour touzour parey son prop malpropte.
Bann ki ti abitye vwar li pou dir, ‘Oli li?’
8 I pou anvole parey en rev e personn pa pou trouv li.
I pou ganny oubliye parey en vizyon dan lannwit.
9 Lizye ki ti vwar li pa pou vwar li ankorE son landrwa reste pa pou vwar li ankor.
10 Son zanfan pou rod led bann povE sa ki i’n pran avek lezot, i pou bezwen rann.
11 Son lezo ti for parey ler i ti zenn,Me ler i ankor for, i pou alonze dan lapousyer.
12 Si sa ki mal i dou dan son labous,Si i kasyet li anba son lalang,
13 Si sa ki mal i byen goute pour li e i pa anvale,Me i gard li dan son labous,
14 Son manze pou vin anmer dan son vant.
I pou vin parey pwazon* kobra dan li.
15 I’n anval en kantite larises, me i pou vomi li.
Bondye pou fer li rann tou sa ki dan son vant.
16 I pou sis pwazon bann kobra.
En serpan* anpwazonnen pou pik li e touy li.
17 I pa pou zanmen vwar dimyel ek diberKi koule parey delo dan larivyer.
18 I pou bezwen rann son bann byen san ki i’n servi zot.*
I pa pou profit son larises ki i gannyen dan son biznes.
19 Parski i’n kraz e abandonn bann pov.
I’n pran pardfors en lakaz ki i pa’n konstri.
20 Me i pa pou santi li anpe.
Son larises pa pou ed li sape.
21 Napa nanryen ki reste pour li devore.
Sanmenm sa i pa pou kontinyen prospere.
22 Ler i pou vin vreman ris, i pou konmans enkyet en kantite.
Maler pou tap li en sel kou an gran.
23 Ler i pe ranpli son vant,Bondye pou vreman ankoler avek li.
I pou fer bann move keksoz devid lo li ziska dan son trip.
24 I pou sove akoz bann zarm an feray,Me bann fles* sorti dan en lark an kwiv pou pik li.
25 I tir sa fles ki’n pik li dan son ledo,En fles klate ki’n pers son fyelE en gran lafreyer i sezi li.
26 Son bann trezor pou ganny zete dan en gro fernwanr.
Dife ki personn pa’n vante pou bril li.
Maler pe esper tou sa ki ankor vivan dan son latant.
27 Lesyel pou devwal son fotE later pou vir kont li.
28 Zour lakoler Bondye, linondasyon pou balye son lakazE i pou annan en gro lavalas.
29 Sa i rekonpans ki Bondye pou donn en move dimoun,Sa i leritaz ki Bondye in rezerve pour li.”
Bann not
^ Oubyen “imen, Adan.”
^ Oubyen “en aposta.”
^ Oubyen “labil.”
^ Viper an Angle.
^ Literalman, “e i pa pou anvale.”
^ Vwar Leksplikasyon bann mo.
