Zob 4:1-21
4 Alor Elifaz sa Temannit ti reponn:
2 “Si en dimoun i esey koz avek ou, eski ou pou perdi pasyans?
Parski lekel ki kapab pa koz ditou?
3 I vre ki ou’n koriz bokou dimounE ou ti abitye ankouraz bann dimoun dekouraze.
4 Ou parol ti relev moral bann ki tonbeE ou ti redonn lafors bann ki zot zenou i fay.
5 Me aprezan, sa in ariv avek ou e ou pa konnen ki ou pou fer,I’n tap ou e ou’n konpletman dekouraze.
6 Pa ou gran respe pour Bondye i sipoze fer ou annan konfyans dan li?
Pa ou fidelite avek Bondye i sipoze donn ou lespwar?
7 Silvouple, reflesir: Lekel sa dimoun inosan ki’n deza ganny met amor?
Eski ou’n deza tande ki en dimoun ki fer sa byen in ganny detrir?
8 Dapre sa ki mon’n vwar, bann ki plant* sa ki malE bann ki senm maler pou rekolte sanmenm.
9 Bondye i soufle lo zot e zot morE akoz son gran lakoler, zot disparet.
10 Lyon i kriye e en zenn lyon i gronnyen,Me menm ledan bann lyon ki for i ganny kase.
11 Lyon i mor akoz napa zannimo pour li manzeE bann pti lyon i disperse.
12 Apre, mon ti tann en parol an sekreE i ti ganny dir dousman dan mon zorey.
13 Ler dimoun i tonm dan en profon sonmey,Mon ti ganny bann vizyon ki ti fatig mwan dan milye lannwit.
14 Mon ti konmans tranble en kantiteE tou mon lezo ti ranpli avek lafreyer.
15 En keksoz* ti pas lo mon figir,Mon ti ganny laserpoul.
16 Apre sa keksoz ti aret bouze,Me mon pa ti konnen kwa sa.
Mon ti vwar en laform devan mwan,I ti annan en silans e apre mon ti tann en lavwa dir:
17 ‘Eski en dimoun* i kapab pli drwat ki Bondye?
Eski en dimoun i kapab pli sen ki sa Enn ki’n fer li?’
18 Gete! I napa konfyans dan son bann serviterE i rod fot dan son bann lanz.*
19 Alor, eski i pou annan konfyans dan dimoun ki reste dan lakaz ki’n ganny fer avek laterKi son fondasyon i dan lapousyer,Bann dimoun ki kapab fasilman ganny kraze parey en zensek?*
20 Depi bomaten ziska aswar zot ganny kraze konpletman.
Zot disparet pour touzour e personn pa remarke.
21 Pa zot parey en latant ki son lakord in ganny tire?
Zot mor san ki zot in ganny lasazes.
Bann not
^ Oubyen “plàn.”
^ Oubyen “lafors envizib.” Vwar Leksplikasyon bann mo.
^ Oubyen “en zonm ki kapab mor.”
^ Oubyen “mesaze.”
^ Oubyen “lay.”
