Zozye 13:1-33
13 Zozye ti’n vye e i ti en bon pti laz. Alor, Zeova ti dir li: “Ou’n vye e ou’n ariv en bon laz, me i reste ankor en kantite teritwar pour pran.
2 La bann teritwar ki reste: rezyon Filisten antye ek rezyon bann Gesourit
3 (depi brans Larivyer Nil* ki dan les* Lezip ziska lafrontyer Ekronn dan nor, ki ti ganny konsidere konman teritwar bann Kananeen) ki osi enkli teritwar sa senk sef bann Filisten, setadir bann Gazit, Asdodit, Askelonnit, Gitit, Ekronnit ek teritwar Avim
4 dan sid. Tou pei bann Kananeen ek Meara ki pour bann Sidonyen, ziska Afek e ziska lafrontyer bann Amorit,
5 pei bann Gebalit, Liban antye ki dan les, depi Baal-Gad anba Montanny Ermonn ziska Lebo-Amat,*
6 tou bann zabitan dan bann montanny Liban ziska Misrepot-Maim e tou bann Sidonyen. Mon pou pous sa bann dimoun dan zot pei e donn sa bann pei avek bann Izraelit. Ou annan zis pour donn bann Izraelit sa pei konman en leritaz, zis parey mon ti’n donn ou lord pour fer.
7 Aprezan, ou devret partaz sa pei avek sa nef tribi ek lanmwatye tribi Manase e donn zot konman en leritaz.”
8 Lot lanmwatye tribi Manase, bann Ribennit ek bann Gadit ti pran zot leritaz ki Moiz ti’n donn zot dan kote les Zourden, zis parey Moiz serviter Zeova ti’n donn zot:
9 depi Aroer ki lo lapant Vale Arnonn* ek sa lavil ki dan milye sa vale e plato Medeba antye ziska Dibonn,
10 tou bann lavil ki ti pour Sionn lerwa Amorit ki ti diriz Esbonn, ziska lafrontyer bann Amonnit
11 e osi Gilead ek teritwar bann Gesourit ek bann Maakatit, Montanny Ermonn antye ek Basann antye ziska Saleka
12 e tou rwayonm lerwa Og ki ti dan Basann. Lerwa Og ti diriz Astarot ek Edrey. (I ti enn bann dernyen Refaim.) Moiz ti ganny laviktwar lo zot e pous zot dan zot pei.
13 Me bann Izraelit pa ti pous bann Gesourit ek Maakatit. Bann dimoun Gesour ek Maakat i ankor pe reste parmi bann Izraelit ziska ozordi.
14 Zis tribi Levi ki Moiz pa ti donn en leritaz. Zot leritaz ti bann lofrann ki ganny ofer lo dife pour Zeova Bondye Izrael, parey i ti promet zot.
15 Apre sa, Moiz ti donn tribi Ribenn en leritaz dapre zot fanmir,
16 zot teritwar ti konmans depi Aroer ki lo lapant Vale Arnonn* ek sa lavil ki dan milye sa vale e plato antye ki o bor Medeba,
17 Esbonn ek tou son bann lavil ki lo plato, Dibonn, Bamot-Baal, Bet-Baal-Meonn,
18 Zaaz, Kedemot, Mefaat,
19 Kiryataim, Sibma ek Zeret-Saar lo montanny ki o bor sa vale,
20 Bet-Peor, lapant Pizga, Bet-Zesimot,
21 tou bann lavil ki lo plato, tou rwayonm Sionn lerwa Amorit ki diriz Esbonn. Moiz ti ganny laviktwar lo Sionn e osi lo bann sef Madyanit, setadir Evi, Rekenm, Zour, Our ek Reba, bann lerwa ki ti tonm anba lotorite Sionn e ki ti pe reste dan sa pei.
22 Balaam garson Beor ki predir lavenir ti enn parmi sa bann dimoun ki bann Izraelit ti touye avek lepe.
23 Larivyer Zourden ti lafrontyer teritwar bann Ribennit. Sa teritwar ansanm avek son bann lavil ek vilaz ti leritaz bann Ribennit dapre zot fanmir.
24 Moiz ti osi donn tribi Gad en leritaz dapre zot fanmir.
25 Zot teritwar ti enkli Zazer ek tou bann lavil Gilead, lanmwatye pei bann Amonnit ziska Aroer ki an fas avek Raba
26 e depi Esbonn ziska Ramat-Mizpe ek Betonim e depi Maanaim ziska lafrontyer Debir
27 e dan vale ki enkli Bet-Aram, Bet-Nimra, Soukot ek Zafonn, larestan rwayonm Sionn lerwa Esbonn. Zot lafrontyer ti tou dilon lo kote les Zourden ziska dan bout Lanmer Kineret.*
28 Sa ti leritaz bann Gadit dapre zot fanmir, avek zot bann lavil ek vilaz.
29 Apre, Moiz ti donn lanmwatye tribi Manase en leritaz dapre zot fanmir.
30 Zot teritwar ti konmans depi Maanaim ki enkli Basann antye, tou rwayonm Og lerwa Basann ek tou bann vilaz* Zair dan Basann. I ti annan 60 lavil an tou.
31 Moiz ti donn desandans Makir garson Manase, lanmwatye Gilead, Astarot ek Edrey ki ti bann lavil dan rwayonm Og dan Basann. I ti donn sa bann landrwa avek lanmwatye desandans Makir dapre zot fanmir.
32 Sa ti bann leritaz ki Moiz ti donn zot dan dezer Moab lo lot kote Zourden ki dan les Zeriko.
33 Me Moiz pa ti donn tribi Levi en leritaz. Zeova Bondye Izrael i zot leritaz, zis parey i ti promet zot.
Bann not
^ Oubyen “depi Sior.”
^ Literalman, “ki devan.”
^ Oubyen “larantre Amat.”
^ Oubyen “Wadi Arnonn.” Vwar Leksplikasyon bann mo.
^ Oubyen “Wadi Arnonn.” Vwar Leksplikasyon bann mo.
^ Setadir, Lak Zenezaret oubyen Lanmer Galile.
^ Oubyen “kan.”
