1. I annan en bon liv ki dan son bann paz,

I donn nou lape, lazwa ek lespwar.

Son panse merveye i telman pwisan,

I fer bann “mor” leve, bann “aveg” vwar.

Sa liv presye i Parol Bondye, Labib.

Ekri par zonm, enspire par Bondye,

Bann zonm ki ti vreman kontan Zeova,

Ki par son lespri ti ganny eklere.

2. Zot in ekri lo kreasyon liniver,

Ki par son pouvwar, Ya in etabli.

Leta parfe ki premye zonm ti ete,

Me apre i’n perdi son Paradi.

Zot in koz lo en lanz an partikilye

Ki ti konteste souvrennte Bondye.

Par maler zonm osi ti zwenn avek li,

Me byento Zeova pou triyonfe.

 3. Nou pe viv en letan lazwa ek lespwar.

Rwayonm i la ek Kris konman Lerwa.

I letan ki pep Bondye i anonse

Tou bann benediksyon avek lafwa.

Labib i kontyen bann mesaz merveye,

En gran festen pour tou bann ki lafen.

I ofer lape ki san konparezon,

Fouy sa Trezor Vivan i pour nanryen.