LESON 8
Yosiya ti annan bann bon zanmi
Eski i difisil pour fer sa ki byen?— Bokou dimoun i krwar sa. Labib i dir nou ki i ti vreman difisil pour en garson ki ti apel Yosiya fer sa ki byen. Me i ti annan bann bon zanmi ki ti ed li. Annou koz plis lo Yosiya ek son bann zanmi.
Papa Yosiya ti apel Amonn, en lerwa Zida. Amonn ti pa bon e i ti ador zidol. Kan papa Yosiya ti mor, Yosiya ti vin lerwa Zida. I ti annan zis wit an! Eski ou krwar ki i ti pa bon parey son papa?— Non, i pa ti parey li!
Tsefanya ti dir bann dimoun pa bezwen ador zidol
Menm ler i ti ankor byen zenn, Yosiya ti anvi obeir Zeova. Alor, i ti fer zanmi avek bann dimoun ki ti kontan Zeova. Zot ti ed Yosiya pour fer sa ki byen. Lekel bann zanmi Yosiya?
Enn son zanmi ti apel Tsefanya. Tsefanya ti en profet ki ti dir pep Zida ki si zot ti ador zidol, bann move keksoz ti pou ariv zot. Yosiya ti ekout Tsefanya e ador Zeova plito ki ador zidol.
En lot zanmi Yosiya ti apel Zeremi. I ti preski menm laz avek Yosiya e zot ti reste pros avek kanmarad ler zot ti pe grandi. Zot ti telman de bon zanmi ki ler Yosiya ti mor, Zeremi ti ekrir en zoli sanson lo kantite ki i ti mank Yosiya. Zeremi ek Yosiya ti ed kanmarad pour fer sa ki byen e pour obei Zeova.
Yosiya ek Zeremi ti ed kanmarad pour fer sa ki byen
Ki ou kapab aprann avek legzanp Yosiya?— Menm ler Yosiya ti ankor en pti garson, i ti anvi fer sa ki byen. I ti konnen ki i ti devret zanmi avek bann dimoun ki kontan Zeova. Fer sir ki ou fer zanmi avek bann dimoun ki kontan Zeova, bann dimoun ki pou ed ou pour fer sa ki byen!
LIR DAN OU LABIB
Ou pou kapab kontan sa osi
MON LIV ZISTWAR LABIB
Dernyen bon lerwa Izrael
Yosiya ti zis en adolesan ler I ti fer en keksoz brav.
