PARTI 9
Kan ki i pou annan en Paradi?
Bann problenm lo later i prouve ki byento Rwayonm Bondye pou azir. Lik 21:10, 11; 2 Timote 3:1-5
Labib in predir bokou keksoz ki pe arive ozordi. I’n dir ki bann dimoun pou kontan larzan, dezobeisan anver paran, vyolan e kontan plezir.
I pou annan gran tranblemandter, lager, mankman manze e bann maladi ki propaze. Sa bann keksoz pe arive la konmela.
Zezi ti osi dir ki sa bon nouvel Rwayonm pou ganny prese lo later antye.
Sa Rwayonm pou retir tou mesanste. 2 Pyer 3:13
Byento Zeova pou detrir tou bann move dimoun.
Satan ek bann demon pou ganny pini.
Bann ki ekout Bondye pou reste dan en nouvo lemonn drwat kot pou napa nanryen pour per, en lemonn kot bann dimoun pou annan konfyans dan kanmarad e kontan kanmarad.
Ou pou kapab kontan sa osi
LIV
Kisisa Rwayonm Bondye?
Kan i ti lo later, Zezi ti donn en rezimen ki sa ki Rwayonm Bondye pou fer.
LIV
Eski soufrans pou fini en zour?
Labib i dir ki Bondye i ay lenzistis e ki i vreman enterese avek dimoun. Ki sa i kapab vedir pour ou?
