FER ZOT VIN DISIP
LESON 10
Determinen pour fer dimoun vin disip
Prensip: “Nou ti determinen pour pa zis anons sa bon nouvel Bondye avek zot me osi pour donn zot tou sa ki nou ti annan, parski zot in vin bann dimoun ki nou kontan en kantite.”—1 Tesa. 2:8.
Sa ki Zezi ti fer
1. Get sa VIDEO oubyen lir Zan 3:1, 2. Apre reponn sa bann kestyon swivan:
-
Akoz ou krwar Nikodenm ti al kot Zezi aswar?—Vwar Zan 12:42, 43.
-
Vi ki Zezi ti zwenn Nikodenm aswar, ki mannyer sa i montre ki Zezi ti pare pour fer disip?
Sa ki nou aprann avek Zezi?
2. Nou montre ki nou kontan bann dimoun ler nou determinen pour ed zot vin disip.
Fer parey Zezi
3. Fer letid dan en landrwa ek ler ki apropriye pour ou etidyan. I kapab ki ou etidyan i anvi fer letid en zour oubyen ler ki pli bon pour li. Eski i ti pou pli kontan fer letid kot i travay, kot li oubyen dan en landrwa piblik? Otan ki posib, aziste ou progranm pour ki zot kapab etidye dan en ler ek landrwa ki pli bon pour li.
4. Fer sa letid souvan. Si ou pa pou la, pa kennsel sa letid. Plito, vwar:
5. Priye pour ou annan en bon pwennvi. Demann Zeova pour ed ou pour pa aret fer son letid menm si sa etidyan pa etidye souvan oubyen i tarde pour aplik sa ki i pe aprann. (Fili. 2:13) I kapab ki ou etidyan i annan bann zoli kalite, alor priye pour ou konsantre lo sa bann kalite.
