Labib pa selman rakont bann vre zistwar ki’n arive dan lepase me i osi dir ki pou arive dan lavenir. Imen pa kapab dir ki pou arive dan lavenir. Se pour sa rezon ki nou konnen ki se Bondye ki’n dir sa bann keksoz ki annan dan Labib. Ki Labib i dir lo lavenir?

I koz lo gran lager Bondye. Dan sa lager, Bondye pou retir tou bann move keksoz ek bann move dimoun, me i pou protez bann ki servi li. Lerwa Bondye, Zezi Kri, pou fer tou serviter Bondye viv ere, e zot pa pou zanmen malad ankor e mor.

Pa nou vreman kontan ki Bondye pou fer en nouvo paradi lo later? Me nou bezwen fer serten keksoz si nou anvi viv dan sa paradi. Dan dernyen zistwar dan sa liv nou pou aprann ki nou devret fer pour rezwir sa bann keksoz merveye ki Bondye in anmase pour bann ki servi li. Alor lir parti 8 e vwar ki Labib i dir pou arive dan lavenir.