PWEN 8
Servi legzanp pour ansennyen
Matye 13:34, 35
KI OU BEZWEN FER: Fer ou lansennyman pli tousan par servi bann legzanp senp ki enteresan pour lodyans e ki ansenny bann pwen enportan.
KI MANNYER POUR FER LI:
-
Servi bann legzanp senp. Parey Zezi, servi bann senp pti keksoz pour eksplik bann keksoz konplike e bann keksoz fasil pour eksplik bann keksoz ki difisil pour konpran. Pa bezwen azout bann detay ki pa neseser akoz i pou zis fer ou legzanp tro konplike. Fer sir ki bann diferan laspe ou legzanp i al byen avek sa leson ki ou pe ansennyen pour ki ou lodyans pa konfize avek bann detay ki pa al byen avek sa ki ou pe dir.
-
Mazin ou lodyans. Servi bann legzanp lo bann keksoz ki ou lodyans i fer oubyen i enterese avek. Fer atansyon ki ou bann legzanp pa anbaras oubyen ofans zot.
-
Fer resorti pwen prensipal. Donn bann legzanp ki relye avek pwen prensipal e non pa bann pti detay. Fer sir ki ou lodyans pa zis rapel ou legzanp, me osi sa pwen enportan.